آمریکالیک واشنگتنپُست کوندهلیگی اختیاریگه قرار تاپگن حجتلرگه کوره، اوتگن 18 ییل جریانیده آق سراییده تورلی دولتلر افغانستان اوروشینی موفق بیلدیریش اوچون، حقیقتلرنی آمریکا یشاوچیلریگه ایتمهگنلر.
واشنگتنپُست خبرچیلری اوشبو 2 مینگ صحیفهلیک حجتگه قول تاپیش اوچون 3 ییل محکمهگه مبارزه قیلگن.
مذکور حجت افغانستان اوروشیگه مسوول بولگن 400 یوز کیشی نینگ مصاحبهسی و آمریکا سابق مدافعه وزیری دونالد رامسفلد نینگ یادداشتلریدن عبارت دیر. واشنگتنپُست کوندهلیگی نینگ خبرچیلریگه کوره، آمریکا جمهور رییسلری، وزیرلری، دیپلماتلری و جنراللرینینگ سوزلری حقیقتگه قرشی دیر.
اوشبو گزارشده دولتی مقاملر و حربیلردن یوزلرچهسی افغانستان اوروشی نینگ ناکاملیگی خصوصیده صحبت قیلگنلر و نتیجهده بو اوروش یوتوقلیگینی ناممکن عنوان قیلگنلر.
.JPG)
آمریکا جمهور رییسلری جورج دبلیو بوش، باراک اوباما و دونالد ترامپ، افغانستانده ملت قوریش اوروشینینگ آلدینی آلیش اوچون سوز بیریشگن ایدی، بیراق بو گزارشگه کوره، اوروش نینگ بیرینچی کونلریده آمریکا قوشمه ایالاتلری نینگ پالیسی مسوولی بولگن ییریک رسمیلری واشنگتن نینگ اساسی مقصدلری و اولرنینگ قولگه کیریشتیش استراتیژیسی قندهی بولگنی توغریسیده ناتوغری معلومات بیریشگن.
افغانستان و پاکستان بویچه آمریکا خاص نمایندهسی جیمز دابینزنینگ ایتیشیچه: «بیز کمبغل مملکتلرنی ثروتمند قیلیش اوچون اشغال قیلمیمیز، بیز دموکراسینی جاری قیلیش اوچون دیکتاتورلرگه قرشی هجوم قیلمیمیز، بلکیم بیز تینچلیک کیلتیریش اوچون خشن مملکتلرگه هجوم قیلهمیز و افغانستان اوروشیگه ناکام بولگنیمیز بیللی دیر.»
.JPG)
افغانستان بوییچه آمریکا سابق ایلچیسی رایان کراکر نینگ آمریکا بوییچه تیکشیروو ادارهسی دفتری بیلن اوتکزگن صحبتیده ایتیشیچه: بو رقم پول ینگی قوریلهدیگن بیر دولتگه هزینه ایتیلگن صورتده، فساد یوز بیریشی ممکن دیر.»
اوشبو مقاملرنینگ ایتیشیچه، فساد کمهیشی، منظم بیر اردو قوریلیشی و بنگیوار ماده قاچاق ایتیلیشیگه قرشی آمریکا ییترلیشچه سعی و حرکت قیلمهگن.
