حکومت اجراییه ریاستینینگ باشلیغی عبداللهعبدالله بروکسل ییغینی موفقیتلی و یوتوقلی دیگن.
دنیا همجمعیت مملکتلری نینگ افغانستان حکومتیگه بولگن وعدهلری دواملی دیدی عبداللهعبدالله.
بوگون (چهارشنبه) بروکسل انجمنینینگ جریانیده خبری کنفرانس اوتکزگن عبدالله، دنیا جماعهچیلیگی ملی بیرلیک حکومتیگه ایشانیب، اما یخشی حکومتچیلیک اوستیده تاکید قیلگن دیگن.
غنی و اوزی اورتهسیده بولگن موجود قیینچلیک بارهسیده اشاره قیلگن اجراییه رییسی، افغانستانده سیاسی ثبات دنیا اوچون مهم بولگن لیگی باعث خلق ارا همکار دولتلر ملی بیرلیک حکومتی دوامی توغریسیده خواطر بیلدیرگنلر دیدی.
جناب عبدالله، جمهور رییس بیلن اوزی اورتهسیده موجود سیلاولرگه اصلاحات کیریتیش مسالهسی انچه حل بولگن لیگینی تیلگه آلگن. بو حقدهگی قیینچلیک بوتونلی حل ایتلیشی اوچون بروکسل ییغینیدن کیین ینه اولتیریشینی معلوم قیلگن حکومت نینگ اجراییه باشلیغی.
اخیرگی وقتلرده بیر قنچه اروپا دولتلریدهگی افغانستانلیک قاچقینلر چیقاریلیشی توغریسیده بیریگن سوال نینگ جوابیگه، مهاجرلر مسالهسیده بروکسل ییغینیگه توغریدن توغری تاثیری یوق دیگن.
ایریم عاموی اخبارات واسطهلری اروپا بیرلشمهسی نینگ افغانستان حکومتیگه کورستهجک مالی همکارلیکلری افغان رهبری مهاجرلرنی مملکتلریگه قبول قیلیشگه باغلیق دییه گزارش بیرگن ایدیلر. بو مسالهنی رد قیلگن جناب عبدالله، اصلن بوحقده صحبت بولمهدی دیگن.
عین حالده، افغانستان حکومتینینگ اجراییه باشلغی، مملکت نینگ فقراسی اروپا مملکتلریگه قبول بولمهگن حالده، افغانلر او مملکتلرده قمهلیب قالگندن کوره اوز یورتلریگه قیتیشلری مقصدگه موافق دیگن.
بروکسل ییغینی (4-5 اکتبر) ده بلژیکده اوتکزیلدی. بو ییغینده دنیانینگ 70 دولتی نمایندهسی شامل 20 دن آرتیق خلق ارا تشکیلاتنینگ وکیلی قتنشگن ایدی.
