پولندنینگ وارسا شهریده اوتکزیلگن ناتوگه اعضا مملکتلر رهبرلری ییغینینینگ ایکینچی کونیده سوزگه چیققن ناتونینگ باش کاتبی، افغانستان ینگی وعدهلری بیلن ناتوگه اعضا مملکتلر حمایتینی قولگه کیریتیشگه موفق بولدی دیگن.
ناتونینگ باش کاتبی ینس استولنتبرگ، ملی بیرلیک حکومتی انسان حق وحقوقلری تامین ایتیلیشی، اداری فسادگه قرشی کورهش، اصلاحات و یرهش تامین بولیشی اوچون آلیب بارهجک سعی و حرکت لر ییترلی ایمس دیب، بو ساحهلرده کوپراق ایش بولیشی حقیده تاکید ایتگن.
ملی بیرلیک حکومتینینگ رهبری ییغینده، افغانستانده انسان حق و حقوقلری و سوز ایرکین لیگی حمایت ایتیلیشی، بالهلر و عیاللر حقوقی سقلهنیشی شونینگدیک سیلاولر تیزیمیگه اصلاحات کیریتیش اوچون کوپراق سعی وحرکت قیلیشدن سوز بیرگن.
ناتونینگ باش کاتبیگه کوره، ییریک قیینچیلیک بار و ملی بیرلیک حکومتی رهبرلری بیرگن وعدهلرنی عملگه آشیریلیشی هم ممکن ایمس؛ اما، بولر بیرگن تعهدلریگه وفادار قالیشلری شرط.
حکومت اجراییه ریاستینینگ باشلیغی داکتر عبدالله عبدالله ییغینده، افغانستان حکومتینینگ سیلاولر تیزیمیگه اصلاحات کیریتیش، کودکلر و عیاللر حقوقی حمایت ایتیلیشی و اداری فسادگه قرشی کورهشده آلیب بارگن سعی و حرکتلری ییترلی بولمهگن لیگینی اعتراف قیلگن. عبدالله گه کوره، سیلاولر تیزیمیه اصلاحات کیریتیش جنجالی بولگن بو لر اساسی قانونگه موافق باشقه بیر تنلاو نظرده توتگنلر.
افغانستان حاضرگی کونده یامان شرایط بیلن روپه ره ایکن لیگینی تیلگه آلگن جناب عبدالله، دنیا همجمعیتی همکارلیگیگه جدی احتیاج بارلیگینی معلوم قیلگن.
بوندن آلدین افغانستان حکومتی ناتوگه اعضا مملکتلر همده خلق ارا همجمعیت حمایتینی آلالمسلیگی بارهسیده خواطرلر بار ایدی. لیکن، کورینیشیچه ملی بیرلیک حکومتی نینگ رهبرلری ییغینده دییرلی موفق بولگن.
