.jpg)
تینچلیک یوکسک کینگشی اورین باسری عبدالخبیر اوچقون نینگ معلوم قیلیشیچه، اوتگن کونگی اسلامآباد ده بولیب اوتگن تورت تامانلمه تینچلیک اولتیریش بیشینچی دوری کوزگه کورینرلی نتیجه بیلن بولمهگن.
جناب اوچقونگه کوره، بو اولتیریشده کوپراق پاکستانلیکلر تاماندن افغانستان حکومتی رضایتینی آلیش بولگن؛ چونکه حاضرهم افغانستان حکومتی نینگ پاکستاننی صادقلیگیگه شُبهه بیلن کورهدی و بومملکت سیاستی تینچلیک بارهسیده ایشانچنی قولدن بیرگن.
شونینگدیک تینچلیک یوکسک کینگش اورین باسریگه کوره، پاکستان حکومتی افغانستان ایشانچینی قولکه کیلتیرمه گونگه قدر، بونقه اولتیریشلرده افغانستان نمایندهلری نینگ باریشلری نتیجهسیز بولهدی.
جمهور رییسلیک سرایینینگ سوزلاوچیسی اورین باسری دواخان مینهپال گه کوره، بونقه اولتیریشلر نتیجه بیرمیدی. جناب مینهپال گه کوره، اوتگن کونگی اولتیریشده افغانستان نمایندهسی نیچه مرته پاکستان نینگ بیرگن وعدهلری عملی بولیشگه تأکید قیلگن و امیریکه و چین مملکتلریدن پاکستانگه باسیم کیلتیریب بیرگن وعدهلرینی عملگه آشیریشلرینی سورهگن.
تورت تامانلمه اولتیریش تورتینچی دوریده امیریکه و چین مملکتلری پاکستاندن مذاکره قیلیشگه حاضر بولمهگن طالبلرگه قرشی حربی یوللردن فایده لنیشنی ایستهگن ایدیلر. اما پاکستان بو ایشگه موافقت قیلمهگن.
