نمایندهلر کینگشی اعضالری، بیر آی «ایشسیزلیک» آیلیگینی قولگه کیریتگنلر.
افغانستانده قشاقلیک داد اورهدی، وضعیت کون اوتیشی بیلن بحرانلی بولیب و کیلهجککه بولگن امید آزهیماقده؛ بیراق قطار کیشیلر بو حلقهدن خارج دیر. نمایندهلر کینگشی باشلنگنیدن بیر آی و 16 کون اوتماقده، بیراق بوتون نتیجهسیزلیکلر، نامزدلرنینگ وقتی ضایع ایتیلگنی و اهالی ایشانچسیزلیگی گه قرهمهی، نمایندهلر کینگشی اعضالری ثور آیی حقوقینی قولگه کیریتگنلر.
اوشبو بیر یریم آیده نیمه بولیب اوتدی؟
نمایندهلر کینگشی نینگ 17- دوری، کابل نمایندهلرینینگ غیابیده ثور آیی جمهور رئیس غنی تامانیدن آچیلدی و کابل حوزهسیده اوتکزیلگن سیلاو نتیجهسی اعلان ایتیلگنیدن سونگ، باشکینت نمایندهلری هم کینگش گه کیردی. نمایندهلر کینگشی اعضالری، کینگش باشلیغینی تنلش اوچون صندوق قوییب و نامزد بولگن تورت کیشی گه آواز بیرگنلر و بو جملهدن میررحمان رحمانی و کمالناصر اصولی ایکینچی دورگه کیتدیلر.
ایکینچی دور سیلاوده کمالناصر اصولی 55 آواز و میررحمان رحمانی 123 آواز قولگه کیریتدیلر. نمایندهلر کینگشینی وقتینچهلیک باشلیغی عطامحمد دهقانپور، میررحمان رحمانی نینگ نمایندهلر کینگشی نی باشلیغی صفتیده اعلان قیلدی؛ جنجل شو ییردن باشلندی.
نمایندهلر کینگشی اعضالری، ایکی تامان گه بولیندی؛ بیر تامانی رحمانی نینگ آرقهسیدن و باشقه بیر تامانی اصولی نینگ آرهسیده بولدی و بیرقطاری هم طرفسیز قالدی.
جناب رحمانی نینگ طرفدارلری، کینگش ریاستی توغریسیده بولگن مسئلهنی یکونلنگن دیب و رحمانی نینگ کینگش باشلیغی صفتیده تانیگنلر، بیراق اصولی نینگ طرفدارلری کینگش نصابینی محکم توتیب و جناب رحمانی نینگ یوتوقی نی قبول قیلمهگنلر و قیلمهیدیلر.
بو آرهده کینگش قیینچیلیگی حل ایتیلیشی اوچون ایکی هیأت تعیین ایتیلدی، بیراق هیأتلر هم قیینچیلیکنی حل قیله آلمهدی و جنجل اوز جاییده قالگن.
نمایندهلر کینگشی ریاستی خصوصیده بولگن جنجلدن بیر یریم آی اوتماقده و نمایندهلر کینگشی اعضالری هم برنامهسیز کینگش گه باریب کیلماقدهلر.
عین حالده، نمایندهلر کینگشی اعضالریدن بیرقطاری، نمایندهلرگه آیلیک توللنگنینی اویتلی دیب بیلهدیلر.
بلقیس روشن نینگ ایتیشیچه: «جوده هم منظم شکلده نمایندهلر کینگشی گه باریب کیلدیلرینگ، جنجل هم قیلمهدیلرینگ، آیلیک آلدیلرینگ و هیچ اویلمهدیلرینگ.»
شونینگدیک، نمایندهلر کینگشی اعضالریدن باشقه بیری سیدحسن پکتیاوال نینگ ایتیشیچه، اوتگن بیر آیده نمایندهلر هیچ بیر ایش قیلمهگن و اویلمسدن آیلیک آلگنلر. جناب پکتیاوال گه کوره، کینگشدهگی جاری وضعیت اویتلی دیر و نمایندهلرنینگ آیلیگی اوروش قربانلری عایلهلریگه توللنیشی کیرهک ایدی.
نمایندهلر کینگشیده بولگن وضعیت گه قرهگنده، تیزلیککه بو وضعیتدن چیقیش امکان سیز کورینهدی؛ ایتیش کیرهک کیم، نمایندهلر کینگشی نینگ هر بیر اعضاسینی آیلیک حقوقی 240 مینگ افغانی گه ییتیشهدی.
