افغانستان بوییچه سیلاولر شکایتلرینی تینگلش کمیسیونی، جمهورلیک ریاستی نامزدلرینینگ رویخطی نهایی قیلینیب و سیلاولر ایرکین کمیسیونی گه یوباریلگنینی ایتگن.
اوشبو کمیسیون مسؤوللری نینگ ایتیشیچه، جمهورلیک ریاستی سیلاوی گه نامزد 18 کیشی نینگ برابریده هیچ بیر شکایت رویخط گه بیریلمهگن.
سیلاولر شکایتلرینی تینگلش کمیسیون باشلیغی زهره بیان شینواری نینگ ایتیشیچه، اوشبو کمیسیون جمهورلیک ریاستی سیلاوی نامزدلری نینگ بیرینچی رویخطی توغریسیده شکایت قید ایتیش گه تیار ایدی، بیراق هیچ کیم یا-ده نهاد شکایت قید ایتیش اوچون کمیسیون گه مراجعت قیلمهگن.
سیلاولر شکایتلرینی تینگلش کمیسیون 1397- ییل نینگ دلو آییده مملکت یشاوچیلریدن سیلاولر کاندیدلری برابریده شکایت یا-ده اعتراضلری بولگن صورتده، حجتلر و مدرکلر بیلن مذکور کمیسیونده قید ایتیشلرینی سورهدی.
سیلاولر شکایتلرینی تینگلش کمیسیون نینگ کاتبی محمدقاسم الیاس نینگ ایتیشیچه، جمهورلیک ریاستی سیلاوی گه نامزد 18 کیشی نینگ دوسیهسینی فنی، قانونی و حقوقی نقطهی نظردن هرتامانلمه تیکشیرگنلر و اولرنینگ برچهسی شرایط گه ماس تانیلگن.
جناب الیاس گه کوره، اوشبو کمیسیون دولتی ادارهلرده رسمی نامهلر یوباریب و جمهورلیک ریاستی نینگ مذکور نامزدلرینی شرایط گه ماس بولگنی توغریسیده ایشانچ قولگه کیلتیرگن.
شو توغریده:
جمهورلیک ریاستی سیلاوینینگ دستلبکی بودجهسی 192 میلیون دالر تخمین ایتیلدی
«1- جوزا دن سونگ، غنی گه جمهورلیک ریاستی مقامیده قالیشگه رخصت بیرمهیمیز»
حقوقدانلر: جمهورلیک ریاست دورهسی توغریسیده باش محکمه قراری سیاسی دیر
سیلاولر شکایتلرینی تینگلش کمیسیون جمهورلیک ریاستی سیلاوی نامزدلری نینگ برابریده شکایت قید ایتیلمهگنیدن خبر بیرگن حالده، نیچه پیت آلدین بیرلشگن ملتلر تشکیلاتی افغانستان اسلامی حزب رهبری گلبدالدین حکمتیار گه قرشی شکایت قولگه کیلتیرگنینی اعلام قیلگن ایدی. بیراق جناب حکمتیار اوشبو موضوع نی اوزیگه قرشی دسیسه عنوان قیلگن ایدی.
سیلاولردن نظارت قیلووچی اداره و سیاسی حزبلر حاضرگچه اوشبو رویخط توغریسیده عکسالعمل کورستمهگن.
جمهورلیک ریاستی سیلاوی جاری ییل میزان آیی نینگ 6- کونیده یولگه قوییلیشی گه قرار قیلینگن. اوشبو سیلاوده جمهور رئیس اشرف غنی و اجرایی باشلیغی عبدالله عبدالله شامل 18 کیشی آتی نی قید ایتگن.
