غزنی ولایتینینگ یشاوچیلریدن اونلرچهسی ناراضیلیک نمایش اوتکزیب سیلاولر حوزهیی بولیشینی ایستهگن ایدیلر و اوشبو اعتراضچیلر بیر هفتهلیک ناراضیلیک نمایشلری دوامیده بوگون سیلاولر ایرکین کمیسیونینینگ ولایتی دفترینی کیریش ایشیگی اونگیده تحصن خیمه اوریب و اوشبو کمیسیوننینگ نقلیه واسطهلریگه کیریشی گه توسیق بولگنلر.
اعتراضچیلرنینگ اعلام قیلیشیچه، کمیسیون دفترینینگ دروازهسینی قفل قیلیب و مذکور دفتر ایشلاوچیلرینینگ کیریشی گه توسیق بولگنلر.
اعتراضچیلرنینگ آگاهلنتیریشیچه، ایستکلریگه دقت قیلینمهگن صورتده، کیلهجک کونلرده مذکور ولایتده بولگن بوتون کیملیک ترقهتیش و آواز بیرووچیلرنی رویخطگه آلیش مرکزلرنی یاپیب و ولایت بناسی اونگیده تحصن خیمه اورهدیلر.
کیملیک ترقهتیش زمانی قیته تیکلنیشی و کیملیکلرده آواز بیریش ایستکرلر قوندیریلیشی آلدی آلینیشی اعتراضچیلرنینگ باشقه ایستکلری بولگن.
باشقه تاماندن، غزنی ولایتیده سیلاولر ایرکین کمیسیونینینگ ولایتی دفتری باشلیغی ناظر حسین نبیزادهنینگ سلام وطندارگه ایتیشیچه، اوشبو کمیسیوننینگ برنامهلری اوتمیش دیک دوام ایتماقده؛ بیراق سیلاولر ایرکین کمیسیونینینگ ولایتی دفتری اونگیده اعتراضچیلر ناراضیلیکلریگه دوام بیرگن صورتده، اوشبو ولایتده آواز بیرووچیلرنی رویخطگه آلیش لایحه سُستلیککه روپهره بولهدی.
جناب نبیزاده گه کوره، اعتراضچیلرنینگ ایستکلرینی تأمین قیلیش کمیسیون کوچیدن یوقاری دیر.
غزنی یشاوچیلریگه کوره، اوشبو ولایتده آواز بیرووچیلرنی رویخطگه آلیش برنامه باشلهنیشی بیلن طالبلرنینگ فعالیتی هم کوپهیگن و بو موضوع تیزیم ایچیدهگی برنامهسیزلیک یانیده، سیلاولر لایحهسیگه اهالی علاقهسی کمهییشیگه سبب بولگن.
