بوگون «چهارشنبه» کابل‌ده خبری بیر ییغین اوتکزگن ملی بیرلیک حکومت اجراییه باشلیغی عبدالله عبدالله نینگ ایتیشیچه، فرصت یره‌تیلگن صورتده، افغانستان حکومتی تینچلیک مذاکره‌سیده اشتراک قیلیش گه تیار دیر.
جناب عبدالله گه کوره، طالبان گروهی آتیش‌کیسین و افغانستانلیکلر ارا مذاکره قیلیش گه حاضر بولمه‌گن صورتده، مذکور گروه تامانیدن ترورچی گروهلر بیلن علاقه‌لری کیسیلیشی و افغانستان توپراغیدن باشقه مملکت‌لر تهدید ایتیلمه‌سی توغریسیده بیریلگن ایشانچ، ییترلی ایمس دیر.
جناب عبدالله نینگ اوشبو بیانات‌لریدن آلدین، اوتگن کون سلام‌وطندار حکومت تشکیلاتی‌ده بولگن ایشانچلی بیر منبع دن نقل قیلیب گزارش نشر قیلدی و بو گزارش‌ده کیلیشیچه، طالبان گروهی ملی بیرلیک حکومت اجراییه باشلیغی عبدالله عبدالله بیلن مذاکره قیلیش گه علاقه کورستگن.
ملی بیرلیک حکومت اجراییه باشلیغی، سوزلری جریانیده پاکستان باش وزیری عمران خان نینگ سونگی بیاناتی توغریسیده ایتیشیچه، افغانستان یشاوچیلری هیچ بیر شکلده تقدیرلری تشقی مملکت‌لر تامانیدن مشخص بولیشینی ایستمه‌یدیلر.
اونگه کوره، پاکستان بیلیب یا-ده بیلیشی کیره‌ک کیم، افغانستان تقدیرینی تعیین‌لش حقی، مذکور مملکت نینگ یشاوچیلریگه تیگیشلی بوله‌دی.
شو توغریده…
طالبان گروهی عبدالله عبدالله بیلن مذاکره قیلیش‌گه علاقه کورستگن
