بوگون «یکشنبه» کابلده خبری بیر ییغین اوتکزگن مملکت سابق سوو و برق وزیری علیاحمد عثمانینینگ ایتیشیچه، جمهور رئیس تامانیدن کمسیتیش، اهانت و قورقینچ فضاسی ایجاد ایتیلگنی باعث، کابینه وزیرلری ریجه تکلیف قیلیش اورنیده تینچ تورهدیلر.
جناب عثمانی گه کوره، حکومت چاپلوسلیک بیلن خلاقیتنی نابود قیلگن و شونینگدیک، حکومت بلند مرتبهلی رسمیلرینینگ ایرکینلیگی سلب ایتیلگن.
علیاحمد عثمانینینگ ادعا قیلیشیچه، مصلحتچیلرنینگ دفتریده بیر تیم تعیین ایتیلگن و ایشلری ایسه سوو و برق وزیرلیگینینگ ایشلریگه ارهلشیش و بوزغونچیلیک باشقه نرسه ایمس دیر.
سابق سوو و برق وزیرینینگ اورغولشیچه، او نمایندهلر کینگشی تامانیدن استیضاح ایتیلیشی و اوندن سونگ، وظیفهسیدن چیکلنتیریلیشی ایلگریدن ریجهلنگن ایدی. جناب عثمانی، دنیا جماعهچیلیگیدن افغانستان حکومتینینگ ادارهلریده کینگهیگن فسادنی تیکشیریش اوچون ایشانچلی بیر هیأت تعیین قیلیشینی سورهیدی. شونینگدیک او، جمهور رئیسدن جمهورلیک ریاستینینگ کته وظیفهسینی یخشی بیر شکلده تانیب و وقتینی کیچیک ایشلری بیلن اوتکزمهسینی طلب قیلدی.
عین حالده، علیاحمد عثمانی جمهورلیک ریاستینینگ بیر تامانلمه تحملی و حددن تشقری حوصلهمندلیگینی بو وضعیت شدتلنیشیگه تأثیرچن دیب بیلهدی.
بو توغریده جمهورلیک ریاستینینگ فکرینی اورگهنیش اوچون علاقه قوردیک، بیراق کیین مه کیین قونغیراقلر نتیجهسیده بو ایشگه مؤفق بولمهدیک.
