بدخشان ولایتی‌ده طالبلر ایکی عیالنی محلی پولیس عایله‌سیدن بولگن‌لیگی‌گه عیبلب اوقگه تارتگن.
بدخشان ولایتی کینگش باشلیغی عبدالله ناجی نظری نینگ سلام‌وطندارگه ایتیشیچه، اوتگن کیچه طالبلر ولایت وردوج تومنی نینگ مله قیشلاقیده بو عیاللرنی اوقگه تارتگن.
جناب نظری نینگ کوپه‌یتیریشیچه، بو عیاللردن بیری اوق تیگیشی بیلن هلاک بولگن و باشقه بیری ایسه آغیر یره کوتریب قالگن.
بدخشان ولایتی کینگش باشلیغی‌گه کوره، بو ایکی عیالنی بیر محلی پولیس عایله سیدن بولگن‌لیگی اوچون طالبلر اوقگه تارتگن.
حاضرگه قدر بوباره‌ده طالبلر بیرنرسه دیمه‌گن.
نیچه پیت آلدین هم طالبلر بیر عیالنی ایری بیلن اوقگه تارتگن ایدیلر. بو ایکی عیالنی هم شهدا تومنیده‌گی لب‌جر قیشلاقیده‌گی دولت کوچلری بیلن یاردم بیریش عیبی‌گه قاره‌لب اوقگه تارتگن.
بدخشان ولایت سوزلاوچیسی احمد نوید فروتن هم طالبلر بو ایر-خاتیننی اویدن چیقاریب، اوی تشقریسی‌ده اوستلریگه اوق اوزگن ایدی دیب تأیید قیلگن ایدی.
اوتمیش‌ده بوگره‌گه باغلیق کیشی‌لر نا تینگ عمل‌لرگه قاره‌لب اولدیرر ایدی.
شهدا تومنی بدخشان تینچ محله‌لریدن سنلردی، وردوج و جرم‌گه اوخشه‌گن قوشنی چیگره‌داش تومنلری ناتینچ بولیشی بیلن بو تومن هم ناتینچ بولگن.
شوحاضر، بدخشان وردوج تومنی قوشیمچه، طالبلر بهارک، جرم، راغستان، شهدا و تگاب کشم تومنلرینی هم اوز تصرف‌لریگه آلگن.
