قندوز شهرینی طالبلردن تازهلش عملیاتی کینگ صورتده باشلندی. اوشبو اویغورلیک عملیات ناتو همکارلیگیده افغانستان امنیتی کوچلری تامانیدن اوتکن چهارشنبه کیچه، قندوز هوایی قونلغه میدانی تامانیدن باشلندی.
قندوز امنیه قومندانی سوزلاوچیسی سیدسرور حسینی، بوگون ایرتهلب سلاموطندار بیلن تلیفون علاقه قوریب، امنیتی کوچلر تازهلش عملیاتلرینی شهر اطرافیده کینگیتیرگنیدن خبر بیردی. اونینگ کوپهیتیریشیچه، اوشبو عملیاتده طالبلرگه آغیر تلفات ییتکیزیلگن. جناب حسینیگه کوره، اوتکن ایکی کون جریانیده، ایکی یوزدن آرتیق جنگری طالب هلاک بولیب و یرهلنگن.
عین حالده، قندوز ولایتی ساغلیک ریاستی باشلیغی داکتر سعدنینگ ایتیشیچه، اوتکن کیچه عملیاتیدن باشقه، کوپینچهسی تینچ اهالی بولگن کمیده 130 یرهلنگن کیشی، چیگرهسیز داکترلر کسلخانهسیده آلیب کیلینگن.
امام صاحب تومنی دولتی کوچلر نظارتیگه اوتدی. اوشبو تومن اوتکن (چهارشنبه کیچه) طالبلر نظارتیگه اوتکن ایدی.
قندوز امنیه قومندانلیگی سوزلاوچیسی سیدسرور حسینینینگ ایتیشیچه، حاضر مذکور تومن بوتونلهی دولتی کوچلر نظارتیگه اوتگن و شونینگدیک قوراللی طالبلر گروهی اوتکن کیچه آغیر تلفات کورگن.
