اوشبو تینچ اهالی فاریاب ولایتی نینگ میمنه-اندخوی قتناو یولینی طالبان وجودیدن تازهلش اوچون امنیتی کوچلر تامانیدن اویوشتیریلگن عملیات نتیجهسیده هلاک ایتیلگنلر.
فاریاب ولایتیده محلی منبعلرنینگ ایتیشلریچه، اوتگن "جمعه" کونی اوشبو ولایت نینگ خواجهسبزپوش تومنیده هوایی کوچلر تامانیدن اویوشتیریلگن هوایی هجوم و هاوان اوقی توشگنی عاقبتیده، 3 باله هلاک و باشقه 6 تینچ اهالی یرهلنگن.
کیملیگی سیرقالیشنی ایستهگن امنیتی بیر منبع نینگ سلاموطندارگه ایتیشیچه، خواجهسبزپوش تومنی نینگ ینگیقلعه قیشلاغیده بیر هاوان اوقی توشگنی سبب، 3 باله جان بیرگن.
منبع نینگ کوپهیتیریشیچه، اوتگن "جمعه" کونی توشدن آلدین خواجهسبزپوش تومنی نینگ اسلم قیشلاغیده بیر هاوان اوقی عاقبتیده بیر ایرکک 10 یاشر قیزی بیلن یرهلنگن و شونینگدیک، اوتگن کونی توش چاغیده، اوشبو تومن نینگ «دهنو» قیشلاغیده هوایی کوچلر تامانیدن اویوشتیریلگن هجوم نتیجهسیده 4 تینچ اهالی یرهلنگن.
مذکور واقعهده یرهلنگنلردن گلبدین و احمدنینگ ایتیشیچه، بیر ریکشا ده 8 کیشی ایکنلر خواجهسبزپوش تومنیدن اویلری تامان بارهدیگن بیرچاغده، هوایی هجوم آستیگه قرار بیریلگنلر.
عینحالده، 209 شاهین قول اردو قومندانلیگی سوزلاوچیسی حنیف رضایی نینگ ایتیشیچه، حاضرگهقدر تینچ اهالی تلفاتی خصوصیده اولرگه معلومات بیریلمهگن.
