افغانستان ایچکی ایشلر وزیرلیگی کابل شهری اون ییتی حوزهسی نینگ آمرلرینی ایشدن چیتلتدی. مذکور وزیرلیک رسمیلری، اوشبو شخصلر اورنیگه ینگی کیشیلر تعین ایتیلگنلیگینی معلوم قیلگنلر.
کابل امنیه قوماندانی جنرال عبدالرحمن رحیمی نینگ اوتگن کون مطبوعات انجمنیده قیلگن چیقیشیده، حوزهلر آمری و کندهکلر قوماندانلری قوشیمچه 27 کیشی ایشدن آلینگنلیکلرینی بیلدیردی.
جناب رحیمی، اوشبو چیتلنتیریلیشدن نیت کابل شهریده برقرارلیکنی تامینلش بولگنلیگینی ایتگن. شونینگ دیک رحیمی، حوزهلرنینگ ینگیدن تعین ایتیلگن آمرلریدن اداری فسادگه قرشی جدی کوره شیشلرینی سورهگن.
شونینگدیک کابل امنیه قوماندانی، سابق حوزهلر آمرلرینی قیلگن سعی و حرکتلرینی آلقیشلب، ینگیدن ایشگه آلینگن حوزهلر آمرلریدن جدی بولیشلری بارهسیده تاکیدلهگن.
باشقه تاماندن، جنرال رحیمی، کابل شهریده اوتگن هفته جریانیده تورلی جنایی جرملردن عبارت 22 حادثه ده قولی بولگن 38 کیشی اوشلنگن لیگینی ایتگن.
جناب رحیمی، امنیتی کوچلر اوتگن هفته دوامیده 75 نفرنی ایریم واقعهلرده قولی بارلیکده عیبلب اوشلب آلیب، عدلی و قضایی ادارهلرگه تَنیشتیریلگن لیگینی تیلگه آلگن.
دولت امنیتی مسووللری، مذکور شخصلر، اولدیریش، نقلیه واسطهلرنی اوغیرلش، ناقانونی قوراللیلردن عبارت بولگن. ایتیلیشیچه، اوشبو کیشیلر کابل شهریگه قرهشلی اون تورتینچی، سکیزینچی، اون بیشینچی و اون اوچینچی حوزهلرده قولگه آلینگنلر.
افغانستان ملی بیرلیک حکومتی دولت بلند مرتبهلی لوازملریگه اوزگریش کیلتیریش بیلن مملکت بویلب امنیت یخشی تامین ایتیلیشینی نظرده توتگنلیکلری ایتیلهدی.
بوندن آلدین هم، فراه و هرات ولایتلری نینگ یوقاری مرتبهلی رسمیلریدن ایشدن آلینیب، اورینلریگه باشقه کیشیلر تعین ایتیلگن ایدی.
