فاریاب ولایتی نینگ کوهستان تومنی محلی مسؤوللری نینگ ایتیشیچه، مذکور تومن نینگ قیشلاقلریدن بیرقطارینی یشاوچیلری دولت گه همکارلیک قیلگنی باعث، طالبان گروهی اولرنینگ اقتصادی تحریم قیلیب و شونینگدیک، اولرنینگ ایکینچیلیکلری گه توسیق بولگن.
سلاموطندارگه صحبت بیرگن فاریاب ولایتی نینگ کوهستان تومنینی پولیس قومندانی ناصرخان نینگ ایتیشیچه، طالبان گروهی حکومت نینگ حاکمیتی ده بولگن آلتی قیشلاقنی اقتصادی تحریم قیلگن.
کوهستان تومنی پولیس قومندانی گه کوره، طالبان گروهی نظارتلریده بولگن منطقهلردن ییگولیک آذیق-آوقت تومن مرکزی گه انتقال بیریلیشی خصوصیده رخصت بیرمهیدی و شونینگدیک، دولت نظارتیده بولگن قیشلاقلرنینگ ایکینچیلریگه ییرلریده ایکینچیلیک قیلیش گه رخصت بیرمهیدیلر.
اوشبو خبرنی تصدیقلگن کوهستان ولسوالی روحالله میرزادنینگ ایتیشیچه، طالبان گروهی مذکور تومنده امنیتی کوچلرنینگ برابریده اوروشه آلمهیدی و بو تومن گه کیلهدیگن ییگولیک آذیق-آوقت گه توسیق بولیب امنیتی کوچلرنینگ اوستیگه باسقین کیریتهدیلر.
بیراق، فاریاب حاکمی نینگ سوزلاوچیسی احمدجاوید بیدار، کوهستان تومنی نینگ قیشلاقلریدن بیرقطارینی یشاوچیلری طالبان گروهی آرقهلی اقتصادی تحریم قیلینگنیدن خبرسیزلیک بیلدیرهدی.
کوهستان تومنی نینگ 134 قیشلاغی بار و بو تومن فاریاب ولایتی نینگ اوزاقده جایلشگن تومنلریدن بیری سنلهدی و بو قیشلاقلرده اون مینگلرچه عایله حیات کیچیرهدی.
فاریاب خوفسیزلیک مسؤولریگه کوره، حاضر مذکور تومن نینگ یالغیز 6 قیشلاغی دولت نظارتی ده دیر و باشقه قیشلاقلری طالبان گروهی نینگ نظارتی ده بولگن و طالبان گروهی ایریم پیتلر اقتصادی تحریم تعیین قیلیب دولت نظارتی ده بولگن قیشلاقلرنی اوز نظارتلریده آلیش اوچون سعی و حرکت قیلهدی.
شو توغریده…
فاریاب؛ طالبان گروهی عیاللر و بالهلردن انسانی سپر صفتیده فایدهلنهدی
