غزنی ولایتی کینگش اعضالری، کینگش اعضالری تورمه دهگی عصیانچیلرنی قماقدن قویباریش اوچون تلاشده لیگینی بیلدیرهدیلر.
غزنی ولایتی کینگش امنیتی کمیته عضوی غلامحسین چنگیزنینگ سلاموطندارگه ایتیشیچه، ایکی کیشی ماین اورنهتیش و پارتلش واسکتی بیلن ولایت پولیس باشقرومرکزی یقینیدن قولگه آلینگن ایدی، ولی ولایتی کینگش ایچیدن بولرنی قوتقزیش اوچون کیشیلر تلاش قیلهدی.
انه شوحالده غزنی پولیس امنیت آمری اسدالله انصافی سلاموطندارگه، امنیه قومندانلیک ساختمانی تامان بارهدیگن یول چیتیدن بیر پارتلش واسکتی و ایکی ماین کشف بولگن و بو توغریده ایکی کیشی هم توتیلگنلیگینی بیلدیرهدی.
غزنی ولایتی کینگشی ایچیدن بو ایکی متهمنی قویب یوباریش اوچون تلاش قیلینگنلیکلرینی جناب انصافی هم تصدیقلیدی.
شوبیلن بیرگه ولایتی کینگش باشقه بیرعضوی حسنرضا یوسفی نینگ سلاموطندارگه ایتیشیچه، اونینگ دفتری امنیه قومندانلیگی یقینیده ایکن، بوماین اورنهتووچیلر اونی نابود ایتیش اوچون حرکت قیلگن ایکن.
جناب یوسفی هم متهملرنی آزاد ایتیش اوچون تلاشلر بولگنلیگینی تأیید قیلهدی، ولی کیشیدن آت توتمهیدی.
بوندن آلدین هم غزنی رسمیلریدن کوپیسی طالبلر و عصیانچی گروهلردن حمایت قیلیشگه متهم بولگن ایدیلر. گزارشلرگه کوره، غزنی ادارهلری و نهادلریده طالبلر نفوذ قیلگن و مذکور ولایتده اوز نفعلریگه ایش آلیشلری بارهسیده ایتیلماقده.
