اوتکن هفته وزیرلر کینگشی 28- اسد الکترونیکی کیملیک ترقهتیلیشی توغریسیده آلگن قرار اساسیده، اوشبو کیملیکلرده افغان سوزی جایلشتیریلمهگنی اوچون مدنی فعاللردن بیرقطاری ناراضیلیک بیلدیرگن.
اوشبو فعاللرنینگ دوشبنه کون بیر خبری ییغینده ایتیشیچه، بو کیملیکلرنی ترقهتیلیشی ملی لایحه بولگن و سیاسی بولمسلیگی لازم.
اوشبو فعاللر تامانیدن صادر ایتیلگن شرط نامهده کیلیشیچه، الکترونیکی کیملیک ترقهتیلیشی توغریسیده تشکیل ایتیلهدیگن اداره اولر اوچون ایشانچلی ایمس، افغانستان حکومتی اولرنینگ ایستکلریگه ایجابی جواب بیرمسه، اولر مملکت بویلب کینگ ناراضیلیک نمایشگه قول اورهدی و اوندن چیقگن نتیجه ملی بیرلیک حکومتینینگ بوینیگه دیر.
افغانستان قوملر آتی و افغان سوزی یازیلیشی الکترونیکی کیملیک جنجللی مسئلهلردن بولیب کیلگن. مملکت یشاوچیلریدن بیرقطارینینگ اورغولشیچه، قوملر آتی بو کیملیکده جایلشتیریلیشی کیرهک، بیراق باشقه بیرقطارلرینینگ ایتیشیچه، برچه یشاوچیلر اوچون یالغیز افغان سوزی یازیلیشی ییترلی دیر.
بو موضوع پارلمان نمایندهلری اورتهسیده قرهمه قرشیلیک و اوزون بحثلرگه سبب بولگن ایدی. پارلمان نمایندهلرینینگ تصدیقلشیچه، قوم آتی و افغان سوزی بو کیملیکلرده جایلشتیریلمهیدی و باشقه معلوماتلر بیلن ایچکی ایشلر وزیرلیگی معلومات مرکزیده رویخطگه آلینهدی.
برقی کیملیک ترقهتیش رویخطگه آلیش ادارهسی باشلیغی زمری باهرنینگ بو کیملیکلرده افغان کلیمهسی جایلشتیریشی توغریسیده سلام وطندارگه ایتیشیچه، نفوس روی خطگه آلیش قانونیگه کوره، ایریم معلوماتلر جملهدن افغان سوزی کیملیککه جایلشتیریلمهیدی، بیراق کیملیکنی نامرئی معلوماتیگه کیلهدی.
عین حالده، مدنی فعال و الکترونیکی کیملیکک افغان کلیمهسی جایلشتیریلیشیگه قرشی آثار حکیمینینگ ایتیشیچه، دستلب مملکت قوملر آتی ذکر ایتیلیشی توغریسیده جنجللر بار ایدی، بیراق قوم آتی و افغان کلیمهسی بو کیملیکلرده ذکر ایتیلمسلیگی توغریسیده قرار آلیندی.
جناب حکیمیگه کوره، بو کیملیکلرده افغان سوزی و قوم آتی اورنیده افغانستان ذکر ایتیلهدی. بیراق حاضرگه قدر بیرقطارلر ارگده بو کیملیک ترقهلیشیگه قرشیلیک کورستهدی. معین شخصنیتیلگه آلمهگن حکیمی نینگ ایتشیچه، جمهورلیک سراییدهگی قرشیلر اوشبو کیملیک حجت ترقهلیشینی قانوندن تشقری دیب بیلهدیلر.
اونینگ اورغولشیچه، افغان کلیمهسی پشتون قوم تاریخیگه باریب تاقیلهدی و بو افغانستان یشاوچیلری اوچون ملی سوز بوله آلمهیدی.
عین حالده، حقوقی ایش بیلرمان کبیر رنجبرنینگ، مدنی فعاللر ناراضیلیگی توغریسیده ایتیشیچه، حاضر الکترونیکی کیلیک قانونی پارلمان تامانیدن تصدیق بولگن و جمهور رییس تامانیدن هم مهرلنگن. اونگه کوره، حاضر بو مسئله توغریسیده بحث قیلیشگه کیچ بولگن و اوزگریش ایجاد ایتیشگه کیملیکلر قانونی پارلمان تامانیدن اوزگریشی لازم.
جناب رنجبرنینگ کوپیتیریشیچه، حاضر برچه نرسهدن ضروری مساله، اوشبو الکترونیکی کیملیکلرنی ترقهتیش دیر.
ایتیلیشیچه، آت و تخلص، آتهنینگ آتی، بوبهنینگ آتی، حاضرگی یشش، اصلی یشش، توغیلگن ییر، تاریخ و دین بوکیملیکلرده ذکر ایتیلهدی.
شونینگدیک، بو کیملیکلر فارسی و پشتو تیللرگه چاپ بولهدی و آرقهسیده کیشینینگ برچه خصوصیاتی انگلیس تیلیده ذکر ایتیلیشی ممکن.
