بغلان ولایتی نینگ مرکزی بغلان تومنیدن بیر منبع سلام‌وطندارگه ایتیشیچه، اوتگن کیچه طالبان نیچه بولیم‌دن بو تومن اوستیگه هجوم قیلگن.
اوشبو منبع گه کوره، حاضرگچه مرکزی بغلان نینگ نیچه قیشلاغی طالبان قولیگه سقوط قیلگن و بو گروه تومن مرکزی تامان آلغه بارماقده.
مذکور امنیتی منبع نینگ ایتیشیچه، طالبان اسلامی حزب گه تیگیشلی کمیده ۱۰ قوراللی کیشی نی اسیر آلیب و کیین ایسه اولرنینگ اوققه توتیب اولدیرگن.
منبع نینگ کوپه‌یتیریشیچه، شونینگدیک امنیتی کوچلر و طالبان گروهی آره‌سیده یوزبیرگن آتیشمه‌ده امنیتی کوچلردن کمیده ۱۰ ته‌سی هلاک و یره‌لنگن.
بغلان ولایتیده اسلامی حزب قومندانی میرویس جهادیار، بو هجوم‌ده اسلامی حزب گه تیگیشلی کیشی‌لردن قطاری هلاک و شونینگدیک نیچه قیشلاق طالبان نظارتی گه اوتگنینی تصدیقله‌گن.
بغلان ولایتی نینگ امنیتی و محلی مسئوللری حاضرگچه بو حقده فکر بیلدیرمه‌گن.
بیراق مرکزی بغلان تومنیده‌گی امنیتی کوچلرنینگ آگاه‌لنتیریشیچه، یاردمچی کوچلر تیزلیککه بو تومنده یوباریلمه‌گن صورتده، مرکزی بغلان طالبان قولیگه سقوط قیلیشی نی احتمالی بار.
اولرنینگ کوپه‌یتیریشیچه، مرکزی بغلان نینگ «بیک‌زاد» منطقه‌سیده اویوشتیریلگن هوایی هجوم‌ده ۱۰ دن آرتیق طالب هلاک بولگن.
بیراق طالبلر اوشبو هوایی هجوم‌ده ۱۲ تینچ‌اهالی هلاک ایتیلگنی نی ادعا قیلگن.
