د کندهار د والي ویاند صمیم خپلواک وايي، چې وسله والو طالبانو د دې ولایت په نېش ولسوالۍ کې د یو سیمه ییز پولیس کورته ورننوتلي؛ د کور د ۲ مېرمنو په ګډون ۵ تنه یې وژلي دي.
خپلواک سلام وطندار ته وویل، چې طالبان د نېش ولسوالۍ په حاجي عالم کلي کې د یو سیمه ییز پولیس کور ته وردننه شوي او په هغه کور کې یې دوې مېرمنې، دوه وروڼه او یو پنځه کلن ماشوم په ډزو وژلي دي.
د والي ویاند وايي، چې د دغه کور مشر هم شاوخوا یو میاشت مخکې د وسله والو په کمین کې وژل شوی و.
د کندهار په نېش ولسولۍ کې له تېرو درېیو ورځو راهیسې د امنیتي ځواکونو او طالبانو تر منځ جګړه دوام لري.
تر اوسه پورې وسله والو طالبانو په دې اړه څه نه دي ویلي.
