د امریکا ولسمشر ډونالډ ټرمپ تېره ورځ پر خپلې ټویټرپاڼې ولیکل چې د سوریې او افغانستان جګړې یې پر حکومت ډېر منفي اغېز کړی دی.
نوموړي لیکلي، هغه څه چې دغو دوامدارو جګړو موږ ته راکړي، ډېر لګښت او مرګژوبله ده.
ټرمپ لیکلي، ما د ټاکنیزو مبارزو پر مهال ویلي وو چې دا جګړې باید پای ته ورسېږي؛ ځکه هر کال ۵۰ میلیارډه ډالر لګښت لري.
ډونالډ ټرمپ داسې مهال د افغانستان د جګړې پای ته رسولو په اړه دا څرګندونې کړي چې له تېرې څه مودې راهیسې د امریکا او طالبانو د استازیو ترمنځ د سولې خبرې اترې روانې دي.
