نن (جمعه) وسلهوالو طالبانو د یوې خبرپاڼې په خپرولو سره په ټول هېواد کې د «الفتح» په نوم د پسرلنيو عملیاتو د پیلولو اعلان وکړ.
طالبانو په خبرپاڼه کې د دې عملیاتو موخه د اشغال او فساد له منځه وړل او د اسلامي نظام قایمول ښودلي او خپلو مجاهدانو ته یې په خطاب کې ویلي چې د ملکیانو ژوند ته پام وکړي.
دا پهداسې حال کې ده چې افغان ولسمشر محمد اشرف غني هم د روانې میاشتې پر ۱۲مه د طالبانو پر ضد د «خالد» په نوم د پوځي عملیاتو پلان تصویب کړ.
افغانحکومت او طالبانو روان کال داسې مهال یو د بل پر وړاندې د نظامي عملیاتو د پيل اعلان کوي چې په قطر کې د امریکا او طالباستازیو ترمنځ له نږدې ۷ میاشتو راهیسې د سولې خبرې اترې روانې دي.
لهدې سره هممهاله د ثور پر ۹مه د سولې په اړه مشورتي لویه جرګه راغوښتل کېږي او په دویمه اوونۍ کې به په قطر کې د امریکا او طالباستازیو ترمنځ د سولې خبرو اترو ۶م پړاو پیل شي.
ورته مطالب:
