شارلی نشریه سی سایتی، نشریه نینگ ینگی‌دن تحریر هیاتی ایتیب تعین لگن اومل نینگ سوزچی‌سی‌گه اساسلب یازیشی‌چه، جناب اومل همکارلری‌نینگ خسته لیگی‌گه اشاره قیلیب، شارلی ابدو نامعلوم وقت‌گچه اوز نشراتینی توخته تیب قویگن.
شارلی ابدو نشریه سی‌نینگ اداره سی جاری ییل جنوری آیی نینگ 7- سیده اسلامچی ترورچی‌لر تامانیدن هجوم آستی‌گه آلینگن ایدی. هجوده مذکور نشریه نینگ تورت نفر ییتوک کارتونچی‌سی قوشمه باشقه سکیز کیشی اولدیریلگن ایدی.
یمن القاعده گروهی اوشبو هجوم مسوولیتی‌نی اوز بوینیگه آلگن ایدی. بو حادثه دن بیر هفته سونگ شارلی ابدو نشریه سی‌نینگ تحریر هیاتی اته‌ین بیر تدبیر بیلن نشریه نینگ ینگی بیر سانیده اسلام بویوک پیامبری حضرت محمد (ص) نینگ کاریکاتورلرینی ترقتگن ایدی. شارلی نینگ مذکور حرکتی اسلام دنیا سیده جدی عکس العمل لرگه روپه‌ره بولدی.
فقط نایجریاده‌گی ناراضی‌لیک نمایش‌لرده 54 کلیسا، 5 رستورانت، 36 چایخانه و بیر پروشگاه و شونینگ دیک مسیحی‌لرگه عاید بیر مدرسه اوتده یاندیریلگن ایدی. کابل‌ده مساله‌گه اعتراض بیلدیریب، یوزلب کیشی عمومی یول‌لرگه چیقیب نمایش اوتکزدیلر. نمایش‌لر نتیجه سیده 2 کیشی هلاک ایتیلدی و 7 نفر ایسه تن جراحتی آلدی. شارلی ابدو نشریه‌سی دنیا نینگ اون آلتی تیلیده ترقه تیله‌دی. شونینگ دیک مذکور نشریه 7 میلیون سانده ترقه تیله دی.
