محلی ارگانلر ادارهسی نینگ سوزلاووچیسی تواب غورزنگ نینگ سلاموطندارگه ایتیشیچه، ینگی والیلرنی تعین قیلیش اوستیده شدت بیلن ایش جریانی بار. عین حالده، اوتگن کون حمل آیی نینگ 15- سیده نمایندهلر مجلسی نینگ قطار اعضالری مجلس نینگ عمومی ییغنیده ولایت سرپرستلری ایشیگه پایان بیریلیشی باره سیده تاکدیله گن ایدیلر.
ایتیلیشیچه، ولایتلر سرپرستلر ارقهلی اداره قیلینیشی قانونگه ضد دیر. ولسی جرگه نینگ رییسی عبدلرؤوف ابراهیمی، کوپچیلیک ولایتلرده سرپرستلر تاراج و تالان قیلیشگه قول اورگنلیکلرینی ایتگن. اما، محلی ارگانلر ادارهسی نینگ سوزلاووچیسی نمایندهلرمجلسی اعضالری تشویشلرینی اورین سیز دیگن.
اونگه کوره، ولایت سرپرستلری تاراج و تالان قیلیشگه قول اورگن لیکلریگه عاید هیچ قندهی حجت مذکور اداره گه کیلمه گن. شونینگدیک جناب غورزنگ، بو توغریده انیق حجت موجود بولگن حالده، فراه ولایت قضیهسی کبی، باشقه ولایتلر والیسی هم ایشدن چیتلنتیریلردی دیگن.
بوندن ایکی آی آلدین افغانستان جمهور رییسی محمد اشرف غنی فراه ولایت والیسی شامل بعضی محل رسمیلر اداری فسادگه قول اورگن لیکلری سبب ایشدن چیتلتگن ایدی.
