مملکت شمال ولایتلریده گی امنیتی رسمیلری اوتمیش 24 ساعتده 100 دن آشه جنگری طالب هلاک و 150 گه یقینی هم یره لنگن لیگی دن خبر بیره دی.
24 حملده طالبلر اعلامیه ترقه تیشی بیلن« عمری هجوم» ناملی یازلیک عملیات لریدن خبر بیرگن ایدیلر و اوندن سونگ مملکت نیچه ولایتیده بوزغونچ فعالیتلرنگه شدت بیردیلر.
تخار
طالبلر بوگون ایرته لب تخار ولایتی نینگ درقد تومنیده گروهی شکلیده هجوم اویوشتیردیلر. نیچه ساعت اوتیشی بیلن امنیتی کوچلر تامانیدن آرقه گه اوریلدی.
تخار ولایتی نینگ امنیت آمری حاجی آغا داودنینگ سلام وطندارگه ایتیشیچه، طالبلر درقد تومنی نینگ قولگه آلیب، شو ییردن باشقه تومنلرنی اوزتصرفلریگه آلیش نیتیده بولگن ایکن، لیکن بو ریجه لر عملگه آشیریلمه گن.
باشقه بیر تاماندن قندوز امنیتی رسمیلری نینگ معلوم قیلیشیچه، حاضرگه قدر قلعه زال تومنیده اوروش دوام ایتیب کیلماقده.
جوزجان ولایتی نینگ پولیس باشلیغی مل پاسوال رحمت الله ترکستانی نینگ سلام وطندارگه ایتیشیچه، اوتکن کیچه طالبلر قوشتیپه تومنی نینگ قولگه کیریتیش نیتیده هجوم قیلیلیشلری بیلن امنیتی کوچلر قرشیلیگیگه روپه ره بولیب 25 جنگری طالب هلاک بولیب وباشقه 35 ده یقیین جنگریلر تن جراحتی آلکن.
جوزجان ولایت سوزلاوچی سی محمد رضا غفوری نینگ سلام وطندار رادیوسیگه ایتیشیچه، آقچه تومنی نینگ یشاوچیلریدن آلتی کیشی طالبلرنینگ آتگن هاوانی ده یره لنگنلر.
سرپل
شو پیتده سرپل پولیس قومندانی پاسوال عبدالقیوم باقی زوی نینگ سلام وطندارگه بیلیدریشیچه، بیر هفته دن بویان جنگری طالبلر ولایت مرکزی قوشیمچه سانچارک، سوزمه قلعه و صیاد تومنلریده هجوم قیله باشله گنلر و امنیتی کوچلر قرشیلیگی بین روپه ره بولیب 20 جنگری طالب هلاک وباشقه 50 جنگری ایسه تن جراحتی آلگن.
کندز
قندوز پولیس قومندانی جنرال محمد قسیم جنگل باغ، مذکور تومن مرکزی جنگری طالبلر قولیده سقوط قیلیشی نی تصدیقلیدی، اما ینگی یاردمچی امنیتی کوچلر ییتیب باریشی بیلن قلعه زال تومنی مرکزی قیته دن امنیتی کوچلر تصرفیگه اوتگن.
شو بیلن بیرگه مملکت شمالیده ییرلشگن شاهین 209 قول اردوسی نینگ خبرنامه ترقه تیشی بیلن اوتمیش 24 ساعت ده امنیتی کوچلرنینگ تندر ناملی بیرینچی عملیاتی قندوز ولایتی نینگ دشت ارچی، امام صاحب، چهاردره، خان آباد، قلعه زال و ولایت مرکزیده هوایی و ییر آرقه لی امنتی کوچلر یاردمی بیلن جنگری طالبلر یاشیرینچ ییرلرینی هدف آلگن.
خبرنامه ده کیلیشیچه، مذکور عملیاتلرده جنگریلردن 67 کیشی هلاک و باشقه 59 کیشی هم یره لنگن.
شو بیلن بیرگه جوزجان ولایتی نینگ امنیتی رسمیلری، اوتکن 24 ساعت ده طالبلرنی نابود قیلگنلیکلریدن خبر بیرگن.
