د سرپُل والي عبدالقادر اشنا وايي، بلخاب ولسوالۍ څخه د مهدي مجاهد له تلو وروسته، اوس د غیرمسوولو وسلهوالو قوماندان محمدانور ـ چې په تنبل مشهور دی ـ د لرغونو اثارو کیندلو ته مخه کړېده.
د سرپُل والي زیاتوي، د قومي مشرانو او د ولایتي شورا غړیو د شکایتونو له تر لاسه کولو وروسته یې امنیتي ځواکونو ته دنده سپارلې چې غیرقانوني کېندنو څخه د غیرمسوولو وسلهوالو قوماندانو مخه ونیسي.
د ده په خبره، دا قومدان له یوې هدیرې نه لرغوني اثار استخراجوي.
هاخوا د سرپُل ولایتي شورا مرستیال سید اسدالله دانش بیا سلاموطندار ته وویل، د غیرمسوولو وسلهوالو قوماندان محمدانور بلخاب ولسوالۍ کې یوې کلا نه ـ چې په نوروزي پېژندل کېږي ـ لرغوني اثار غلا کوي.
ښاغلي دانش وویل، د بلخاب ولسوالۍ (سرپل) کلي د کافري په نوم یوه زړه کلا کې د زړو اثارو د کیندلو په پار خواري کوي.
د سرپُل ولایتي شورا مرستیال په وینا، د حکومت نه پام په دلیل، بلخاب ولسوالۍ کې د غیرمسوولو وسلهوالو کسانو فعالیت پراخ شوی.
وموغوښتل، د دې موضوع په تړاو د تورن غیرمسوولو وسلهوالو قوماندان نظر هم ترلاسه کړو؛ خو بلخاب ولسوالۍ کې د مخابراتي شبکو اتن نه ورکولو په دلیل، بریالي نهشولو.
