بوگون "سه‌شنبه" برقرارلیک و یقینلیک سیلاو تیمی طرفدارلریدن مینگلرچه‌سی سرپل و پروان ولایتلریده ناراضلیک نمایش یولگه قویگنلر. اعتراضچی‌لر، سیلاو ایرکین کمیسیونیدن بایومتریک ایتیلمه‌گن 300 مینگ آوازنی بیکار اعلان قیلیشینی سوره‌گنلر.
اعتراضچی‌لرنینگ ایتیشیچه، سیلاو ایرکین کمیسیونی، ایرکین‌لیگی‌نی سقلب و سیلاو قانونی اساسیگه سیلاو نتیجه‌سینی اعلان قیلسین.
سرپل ولایتی کینگش باشلیغی محمدنور رحمانی نینگ اعتراضچی‌لر آره‌سیده حضور تاپیب ایتیشیچه، ساخته‌کارلیک آوازلر تقدیری بیللی بولمه‌گن صورتده، اعتراضلریگه دوام بیره‌دیلر.
اونینگ کوپه‌یتیریشیچه، سیلاو ایرکین کمیسیونی‌نینگ سیلاو تینیق‌لیگی‌نی سوراققه دوچ قیلمی و ساخته کارلیک‌که توسیق بولیشی اوچون سعی و حرکت قیلیشی کیره‌ک.
سرپل ولایتیده برقرارلیک و یقینلیک سیلاو تیمی طرفدارلریدن بیرقطاری‌نینگ ایتیشیچه، قانونی ایستک‌لریگه دقت بولمه‌گن صورتده، بوتون قتناو یوللر و دولتی اداره‌لرنی باغله‌یدیلر و ساخته‌کارلیک اساسیده کیلگن حکومت‌نی قبول قیلمه‌یدیلر.
برقرارلیک و یقینلیک سیلاو تیمی طرفدارلری، 5 ماده‌لیک بیر شرطنامه ترقه‌تیب سیلاو ایرکین کمیسیونیدن 300 مینگ ساخته‌کارلیک آوازنی بیکار اعلان قیلیشینی سوره‌گنلر.
اولر، امنیتی کوچلردن سیلاو لایحه‌سیده طرف‌سیزلیک‌لرینی سقلب و سیاسی موضوع‌لرگه دخالت قیلمه‌یشلرینی سوره‌گنلر.
عین‌حالده، برقرارلیک و یقینلیک سیلاو تیمی طرفدارلردن بیرقطاری پروان ولایتی نینگ جبل‌السراج تومنیده ناراضلیک بیلدیریب سیلاو ایرکین کمیسیونیدن بایومتریک ایتیلمه‌گن آوازلرنی بیکار اعلان قیلیشینی طلب قیلگنلر.
بوتوغریده سیلاو ایرکین کمیسیونی و جمهورلیک ریاستی فکرینی آلیش اوچون سعی و حرکت قیلدیک، بیراق موفق بولمه‌دیک.
شوتوغریده…
