سلاموطندار ترماغینینگ قولگه کیریتگن حجتلریده مخابراتی ترماقلرنینگ سیمکارتلری رویخطگه آلینمسدن کابل یشاوچیلریگه ساتیلهدی.
ایتیلیشیچه، سیمکارت ساتیوچیلر مشتریلر کیملیکلرینی کاپی قیلیب، بونینگ نامیگه باشقه نیچه سیمکارتنی ساتیب آلهدیلر.
امنیتی ادارهلرنینگ رسمیلری هر دایم حجت سیز سیمکارت ساته دیگن هم ساتیب آله دیگن کیشیلر جزالهنیشینی ایتگن بیر حالده، کابل خیابانلریده مخابراتی ترماقلرده سیم کارتلری ساتیلهدی.
سیسی یاشیرون یازیب آلینگن مذکور سیم کارتلرنی ساتیوچیلردن بیریگه کوره، کونده 50 دن آرتیق سیمکارتنی حجتسیز ساتهدی.
ساتیوچیلردن باشقه بیری، مذکور سیمکارتلر هیچ بیر معین شخصنینگ نامیگه قید بولمهگن لیگی باعث هر قندهی ایشلهتیلیشی ممکن دیدی.
عین حالده، سیمکارتلر حجت سیز ساتیلیشینی تصدیقله گن افغانستان مخابرات و تکنالوژی وزیرلیگینینگ سوزلاوچیسی یاسین صمیم، بو قبیل سیمکارتلردن فایده لهنیش امنیتی مشکللرنی توغدیریشدن علاوه اجمتاعی قیینچیلیک لرنی هم یره تهدی دیگن.
جناب صمیم، اوشبو وزیرلیک و افغانستان مخابراتی خذمتلرنی انتظاملش ادارهسی حجتسیز سیمکارتلرنی ییغیش اوچون قوشمه کمیته ایجاد قیلگنلر و بو کمیته ایشگه باشلهگن دیدی.
باشقه تاماندن، مملکت ایچکی ایشلر وزیرلیگینینگ سوزلاوچیسی صدیق صدیقی، حجتسیز ساتیله دیگن سیمکارتلردن تشویش بیلدیریب مجرملر همده جنایتچیلر بوندهی سیمکارتلرنی سوء استعمال قیله دیلر دیگن.
وزیرلیکنینگ سوزلاوچیسی، بوتون امنیتی کوچلرگه حجتسیز ساتیله دیگن سیمکارتلر آلدینی آلیشلری سورهلگن دیگن.
کیشی نینگ اسمی رویخطگه آلینمسدن سیمکارت ساتیش ینگی بیر موضوع ایمس؛ اما، کورینیشیچه حجتسیز سایتیله دیگن سیمکارتلرنی ییغیش اوچون حکومت نینگ کوچ سیزلیگی انیق لنهدی.
