.jpg)
بوگون «چهارشنبه» اکتوبر آیینینگ آخرگی کونی دیر؛ بو آی کوکرک سرطانی توغریسیده معلومات تاپیش آتیده ناملنگن. بوگون سرطانگه قرشی کورهش جمغرمهسی اوشبو آی نی نشانلهدی.
سرطان گه قرشی کورهش جمغرمه باشلیغی نسرین اوریاخیلنینگ ایتیشیچه، یشاوچیلرنینگ کوکرک سرطانی توغریسیده معلوماتی بولمهگنی، بو کسللیکنینگ کوپهیشی گه سبب بولگن.
سرطان گه قرشی کورهش جمغرمهسینینگ باشلیغی گه کوره، کوکرک سرطانی اولیمگه سبب بولهدی؛ بیراق اونینگ آلدی نی آلیب و دارولش امکانی بار.
او حکومت و باشقه قطار ادارهلردن کوکرک سرطانی توغریسیده معلومات بیریش، تشخیص و دارولشی حقیده سرمایه یاتقیزیشلرینی سورهیدی.
کوکرک سرطانی نی تجربه قیلگن نمایندهلر کینگشی اعضاسی شینکی کروخیلنینگ ایتیشیچه، بو کسللیککه چالینگن کوپینچه کیشیلر اوییت باعث کسللیکلرینی یاشیرهدی.
.jpg)
گرچند کوکرک سرطانی اولیمگه باعث بوله دی؛ بیراق افغانستانده اونینگ دارولش مرکزی کم دیر و حاضرگه قدر بو کسللیککه چالینگن کیشیلر یالغیز ایکی دولتی کسلخانهده دارولنهدی.
سرطانگه قرشی کورهش جمغرمهسی 3 ییل آلدین قوریلدی و حاضرگه قدر 6 مینگ اعضاسی بار و بو کسللیک توغریسیده معلومات بیریش اوچون فعالیت قیلهدی.
