افغانستان جمهور رییسی‌نینگ ییتمیشینچی فرمانی ملی مجلس‌نینگ کوپچیلیک اعضالری آوازی بیلن رد ایتیلدی. جمهور رییس مذکور فرمانده دفاعی و امنیتی اداره‌لر سرپرست‌لر آرقه‌لی باشقریلیشی اوچون فرمان صادر قیلگن ایدی. سرپرست‌لر قانونونی‌گه کوره، هیچ بیر سرپرست ایکی آیدن کوپ ایش قیلیش اجاز‌ه‌سی‌گه ایگه ایمس. اما جمهور رییس غنی بونده‌ی فرمان صادر قیلیش بیلن دفاعی همده امنیتی اداره‌لر بو قانون‌دن اثتسنا بولیش‌نی سوره‌گن.
مذکور فرمان بودن آلدین هم ملی مجلس اعضالری تامانیدن رد ایتیلگن ایدی. لیکن سنا مجلسی تامانیدن تصدیق‌لنگن‌دن سونگ بو مساله حل ایتیلیشی اوچون قوشمه کمیسیون تشکیل ایتیلدی. بونگه قره‌می، تشکیل ایتیلگن کمیسیون موضوعنی حل قیلیش‌گه موفق بولمه‌دی.
ملی مجلس‌نینگ باشلیغی عبدالرؤوف ابراهیمی بوگون (دوشنبه) ملی بیرلیک حکومتی‌نینگ بلند مرتبه‌لی رسمیلریدن تیزلیک‌ده ملی امنیت همده مدافعه وزیرلیگی‌نینگ نامزد وزیرلرینی تانیشتیریش‌نی سوره‌گن.
قانونگه موافق، تقنینی فرمان سنا مجلسی تامانیدن رد ایتیلیب شونینگ‌دیک ایکّی مجلس اعضالریدن تشکیل بولگن قوشمه کمیسیون هم حل یول تاپه آلمه‌گن حالده، اوشبو فرمان نماینده‌لر مجلس اعضالری آرقه‌لی رای آلیش‌گه قوییله‌دی.
مجلس‌نینگ بوگون (دوشنبه) ییغینی‌ده عالی محکمه کینگشی و اساسی قانوننی تطبیق نظارت کمیسیون اعضالری هم مجلس تامانیدن تصدیق‌لندی. عالی کینگش اوچون نامزد عبدالحسیب احدی 149 آواز، محمد قاسم هاشم‌زی، غزال‌حارث، عبدالله شفاعی، محمدعارف حافظ، سیدابوبکر متقی و عبدالرؤوف هروی‌لر ترتیب اساسیده 113، 132،125،126 و 128 ایجابی رای آلیش بیلن پارلمان تامانی اساسی قانوننی نظارت ایتیش ینگی کمیسیونی‌نینگ اعضالری صفتی‌ده تعین ایتیلدی.
