د سرپُل د سانچارک ولسوال نقیبالله دقیق وايي، طالبانو د دې ولسوالۍ «تبر او تغایخواجه» سیمو کې په خلکو په زوره دولتي ځمکې پلورلې دي.
د ښاغلي دقیق په وینا، د سیمې له اوسېدونکیو غوښتل شوي چې دې ولسوالۍ کې د طالبانو لهپاره د اوسېدلو کورونو جوړولو کې همکاري وکړي.
د ده په خبره، د ملا نوراحمد په نوم د طالبانو یو قومندان په هر ځای کې ځمکې راګرځولي دي او څلور بسوهيي کورونه په ۵۰ زره افغانۍ پلوري.
د سرپُل د ولایتي شورا مرستیال سید اسدالله دانش هم سنچارک ولسوالۍ کې له امنیتي وضعیته اندېښنه څرګندوي او وايي، د قانون د حاکمیت نهشتوالي کې طالبان هر ډول اقدام کوي.
د سرپُل د ولایتي شورا مرستیال په وینا، طالبان دا مهال د سنچارک ولسوالۍ په ۷۰سلنه خاورې ولکه لري. دی دې ولسوالۍ ته د تازهدمو ځواکونو د ورلېږلو غوښتنه کوي.
هاخوا د سرپُل والي ویاند ذبیحالله اماني وايي، طالبانو ان د خلکو کرنیزې ځمکې په اجاره ورکړېدي. دی زیاتوي چې طالبانو لهدې مخکې هم په میرزاولنګ کې خلکو ته کرنیزې ځمکې به اجاره ورکړېوې.
پر دې ټولو سربېره د سرپُل والي ویاند وايي چې مرکزي حکومت ډاډ ورکړی چې د سرپُل سنچارک ولسوالۍ کې به د طالبانو ځپلو په موخه ډېر ژر پوځي عملیات په لاره پیل کړي.
طالبانو تراوسه د سرپُل سنچارک ولسوالۍ کې د دولتي ځمکو پلورلو په اړه نظر نهدی ورکړی.
ورته مطالب:
