افغانستان ساغلیق‌نی سقلش وزیرلیگی، داکترلر و کسل‌لر مصونیتی تامین ایتیلیشی اوچون زمانوی صحی خذمت‌لرنی منتظم‌لشتیریش اوچون کینگش ایجاد قیلدی.
«وقتینچه‌لیک طبی ملی کینگش» 24 اعضا بیلن بیر ییل اوچون ایجاد بولدی. اوشبو کینگش‌ده ساغلیق‌نی سقلش وزیرلیگی، عالی تحصیلات، عدلیه، مدافعه، ایچکی ایشلر و ملی امنیت شفاخانه‌لری‌نینگ داکتری، افغانستان داکتر بیرلشمه‌سی، خصوصی شفاخانه‌لر بیرلشمه‌سی و ایریم دولت و نا دولت ادار‌لر نماینده‌لریدن تشکیل بولگن.
داکتر و کسل‌لر اورته‌سیده مصونیت تامین‌له‌نیش فضاسی‌نی ایجاد قلیش، ساغلیق اداره‌لری قابلیتی‌نی آشیریش، افغانستان داکترلر ایش اعتبارینی آشیریش خصوصی صحی خذمت‌لرنی معیاریلشتریش بو کینگش نینگ اصلی نیت‌لریدن سنه‌له‌دی.
ساغلیق‌نی سقلش وزیری فیروزالدین فیروزنینگ بوگون (سه‌شنبه 11- حوت) داکترلر کینگشی آچیلیشی مناسبتی بیلن قیلگن چیقیش‌ده مذکور کینگش کابینه اعضالری تصدیغی‌دن اوتگن کیین تاسیس بولگن دیگن. اونگه کوره، بو کینگش بیر ییلدن کیین مستقل روش‌ده فعالیت قیلیشی کوتیله‌دی دیگن.
وقتینچه‌لیک طبی کینگش عالی تحصیلات، عدلیه و ایش اجتماعی مساله‌لر بوییچه وزیرلری، مدافعه، ایچکی ایشلر، ملی امنیت و خلق ارا اداره لریدن نماینده‌لریدن تشکیل تاپگن.
افغانستان عالی تحصیلات وزیری فریده مومند، اوشبو کینگش یخشی رویخط تیارلب، بو مساله کسل‌لر حق و حقوقی‌نی مدافعه قلیش اوچون اساسی بیر ایش دیگن.
شونینگ‌دیک مومندگه کوره، طبی ساحه ده تحصیل کورگن قره‌لاوچی‌لری همده قاضی‌لردن آلینیشی بو کینگش ایشی یخشی‌له نیشی اوچون ایجابی تاثیر بار دیگن.
افغانستان اجتماعی ایشلر وزیری نسرین اوریاخیل‌گه کوره، ساغلیق ساحه‌لریده ایش قانونلریگه اعتبار بیریلمه‌گن. اونگه کوره، بعضی داکترلر ایریم شفاخانه‌لرده 18 ساعت ایش قیله‌دی. بو مساله ایسه مریض‌لرنی یخشی صورتدن طبی کوریک‌دن اوتکزمس‌لیککه باعث بوله‌دی.
