زابل‌ده آتی فاش ایتیلیشی‌نی ایستمه‌گن امنیتی بیر منبع‌نینگ سلام‌وطندارگه ایتیشیچه، بیر پوسته‌ده دوشمن‌گه علاقه‌دار ایکی پولیس باشقه 8 پولیس‌نی اولدیریب و اوزلری نامعلوم ییرگه قاچیب کیتگن‌لر.
منبع‌گه کوره، بو واقعه «جمعه کیچه» زابل ولایتی‌نینگ سیوری تومنی «لوی شاره» منطقه‌سیده یوز بیرگن.
منبع‌نینگ کوپه‌یتیریشیچه، دوشمن‌گه علاقه‌دار پولیس‌لر، مذکور پوسته‌نینگ حربی جهازلری و قورال اسلحه‌لرینی اوزلری بیلن آلیب کیتگن‌لر.
سیوری تومنی زابل ولایتی‌نینگ تینچ‌سیز تومن‌لریدن بیری سنله‌دی و ایریم پیت‌لرده آتیشمه‌لر و پارتلش واقعه‌لرگه گواه بوله‌دی.
زابل ولایتی‌نینگ خوفسیزلیک رسمی‌لری، حاضرگچه بو توغریده هیچ نرسه دیمه‌گن‌لر.
اوشبو واقعه مسؤولیتی‌نی حاضرگچه طالب‌لر شامل هیچ بیر گروه بوینیگه آلمه‌گن.
