آلدینکی دولتگه قرشی طالب بیراغی بیلن قورالینی کوترگن کیشی، حاضر مذکور گروه اعضالریدن، اوزیدیک تینچلیک و اولکه آبادانچیلیگیگه حصه قوشیشلرینی ایستهیدی.
40 یاشیده بولگن شیخزاهد نقشبندی طالبلر قومندانلریدن بیری، قورالینی ییرگه قوییب اوروشدن قولدن تاردی.
طالبلرگروهی نینگ مذکور قومندانیگه کوره، ایکی ییل آلدین پاکستان باریب اوشبو گروهگه قوشیلگن.
شیخزاهد اوتکن چهارشنبه کونی ثور آیینینگ 16- سیده قولی آستیده بولگن 23 اورتاغی بیلن قورالینی ییرگه قویدی.
شیخزاهدنینگ ایتشیچه، پاکستانده بولگن بیر چاغده، جنگری طالبلر قومندانلریدن بولمیش ملامحمد یونس مخلص بویروغی اساسیده حکومتگه قرشی قورال آلیب اوروشگن. اونینگ کوپهیتیریشیچه طالبلر تامانیدن اویشتیریلگن اوچ هجومگه اشتراک ایتکن، بیراق حکومت و خلق ارا کوچلری اونی قولگه کیریتهآلمه گن.
ینگی ییل باشلهنیشی بیلن جنگری طالبلر اوروش ریجهسی اوزگریش اساسیده شیخزاهد حاجی سلام بویروغی اساسیده اوز فعالیتلرینی دوام بیرگن. بیرتماندن طالبلر سیاستی اوزگریشی و ینه بیر تماندن قوم و خویشلری قیناققه آلگنی سبب، بو قومندان عایلهسی و منطقه یشاوچیلرینینگ ایستهگی اساسیده سونگی تصمیمگه تن بیره دی.
طالبلر بو سابق قومندانینینگ ایتیشیچه، اداری فساد، اجتماعی نابرابرلیک، عدالت عملگه آشیریلمهگنلیگی، تینچ اهالی بدرغه بولیشی، مکتبلر یاپیلیشی و خلقنی قیینچیلیکلر بیلن روپهره بولیشلری باعث او اوروشدن قول تارتیب قورالینی ییرگه قویگن.
شیخزاهد نقشبندینینگ ایتیشیچه، چهار دره تومنیدهگی جنگری طابلر ناملنگن ولسوالی، ملاشمسالدین، گورتپه، اچین و باشقه منطقهلرده بولگن کوپریکلر، عامهوی یوللر و دولتی ییرلرنی بوزیشگه بویروغ بیرگن. بیراق او بو ایزیمگه قرشیلیک کورستکن بیرچاغده اولردن اجرهلیب دولتگه قوشیلیشگه تن بیرگن. اونینگ ایتیشیچه، طالبدن قورقیش ایمس، بلکیم وطن داشلرینی بدرغه بولگنی باعث قورالینی ییرگه قویگن.
شیخزاهد باشقه جنگری طالبلردن هم قوراللرینی ییرگه قوییب، اوروشدن قول کوتهریب، تینچلیک لایحهسیگه قوشیلیشلرینی ایستهدی.
کندز والیسی، محمدعمر ساپی اوشبو قومنداننی تینچلیککه قوشیلیشینی خوش قرشیلب ایتیشیچه، تیزلیکده اوشبو منطقهده امنیت تامینلنهدی.
جناب ساپی شخزاهدنی طالبلردن اجرهلیشگه تشویق قیلگن شخصلردن منتدارلیک بیلدیردی. کندز والیسی باشقه قوم بویوکلریدن شیخزاهد دیک اوروشدن قول کوتاریشلرینی سورهدی.
شیخزاهد اتمانزی قومیدن بولیب، کندز ولایتیده توغیلگن. او حاضرگی کونلرده ولایت چهار دره تومنیده یشهیدی. طالبلرنی مذکور ایسکی قومندانینینگ ایتیشیچه، 1500 عایله اوشبو تومنده اوندن حمایت قیلهدی.
