فاریاب ولایتی نینگ شیرینتگاب تومنیده جایلشگن 209 شاهین قول اردوسینینگ ایکینچی لواسیدن بولگن بیر عسکر آتی سِر قالیشینی ایستهب سلاموطندارگه ایتیشیچه، شیرینتگاب تومنی نینگ مرکزیده چمهسی 300 حربی عسکر طالبان گروهی نینگ قمراویده قالگن و 209 شاهین قول اردو قومندانلیگی نینگ مسؤوللری اولرگه هیچ دقت قیلمهیدی.
اوشبو عسکرنینگ ادعا قیلیشیچه، مذکور عسکرلرنینگ یامان وضعیتی دن کمیده 300 رمز یوباریلگن؛ بیراق 209 شاهین قول اردو قومندانلیگی نینگ ایکینچی لواسینی قومندانی بو رمزلردن هیچ بیری گه جواب بیرمهگن.
مذکور عسکرگه کوره، هلاک ایتیلگن عسکرلرنینگ جسدلری نیچه کون اوروش میدانیده قالگن و نیچه کوندن سونگ، قیزیل حاچ اولرنی انتقال بیرگن.
اونینگ کوپهیتیریشیچه، امنیتی کوچلرنینگ یرهدارلری کونلر بوییچه تقدیرسیز حیات اوتکزهدیلر.
عین حالده، سلاموطندارگه صحبت بیرگن شرینتگاب ولسوالی سید شرافالدین نینگ ایتیشیچه، مذکور تومنده چمهسی 400 حربی عسکر طالبان گروهی نینگ قمراویده دیر و کیمسه اولرنینگ سیسلریگه قولاق سالمهیدی.
عینحالده، 209 شاهین قول اردو قومندانلیگینی ایکینچی لوا قومندانی جلال یفتلینینگ مذکور ادعالرنی رد قیلیب سلاموطندارگه ایتیشیچه، شیرینتگاب تومنیده اولرنینگ کوچلریگه قرشی هیچقندی قیینچیلیک یوق دیر و هردایم اولر بیلن تماس آلهدی.
شوتوغریده…
- فاریاب ولایتیده امنیتی کوچلردن 18 تهسی هلاک ایتیلگن
کویته کینگشی فاریاب نینگ دولتآباد تومنی سقوط قیلیشینی ایستهیدی
اونینگ کوپهیتیریشیچه، اوزی شیرینتگاب تومنیده ایکن و حربی تجهیزاتلرنی اوزی اوشبو تومنگه انتقال بیرگن.
یفتلی گه کوره، حربیلر قتناو یوللر آرقهلی بو تومنگه باره آلمهیدیلر؛ بیراق امنیتی کوچلرنی بو تومنده کوچلی پایگاهلری بار دیر.
باشقه تاماندن فاریاب ولایتی قیصار تومنینینگ ولسوالی گه کوره، اوتگن کیچه طالبان جنگریلری اوشبو تومن ارکلیک منطقهسیده، امنیتی کوچلر پوستهلری اوستیگه هجوم قیلیب نیتجهده امنیتی کوچلردن 22 تهسی هلاک و باشقه 10 تهسی یرهلنگن دیر.
