مملکت باشقرهلاوچیلیگی، غربی حوزه باشقرهلاوچیلری و قاضیلریدن بیرقطاری حبسگه آلینگن عیاللرنی جنسی زورلگنیگه عاید دوسیهلرنی تیکشیریش اوچون هراتگه بیر هیأت یوباردی.
«افغانستان عدالت مدنی و حقوقی ادارهسی» اوتکن هفته (یکشنبه کون) بیر گزارش ترقهتیب، مملکت غربی حوزه باشقرولاوچیلری و قاضیلریدن بیرقطاری حبسگه آلینگن هر 10 عیالدن 3 تهسینینگ اوستیگه جنسی زورلگنینی ایتکن ایدی. اوشبو گزارشده ادعا قیلینیشیچه، هرات ولایتیده 9 باشقرلاوچی و 6 قاضی، بادغیسده 6 باشقرلاوچی و 4 قاضی، غورده 5 باشقرلاوچی و 4 قاضی، فراه ده 4 باشقرلاوچی و 3 قاضی و نیمروزده 3 باشقرلاوچی و 2 قاضی حبسگه آلینگن عیاللرگه جنسی زورلگن.
باشقرهلاوچیلیک نشرات باشلیغی آصف فیاضنینگ، بوگون (یکشنبه) کابلده اوتکزیلگن خبری ییغینده ایتیشیچه، اوشبو اداره مذکور گزارش نشر ایتیلگنیدن کیین، ملکی باشقرهلاوچیلیک، حربی باشقرهلاوچیلیک، انسان حقوقلری کمیسیونی و عیال وزیرلیگی نمایندهلریدن بیرهیأت تشکیل ایتیب هراتگه یوبارگن.
جناب فیاضنینگ ایتیشیچه، باشقرهلاوچیلر و قاضیلرگه کیریتیلگن ادعالر توغری بولگن صورتده، باشقرهلاوچیلیک ادارهسی، اونی بیر «مصیبت» بیلهدی و مذکور کیشیلر قتیق صورتده جزالنهدی.
بیراق، هرات تورمهخانه مسؤوللری و باشقرهلاوچیلیگی، اوتکن هفته «افغانستان عدالت مدنی و حقوقی ادارهسی» تامانیدن نشر ایتیلگن گزارشنی اساسی یوق دیب ایتیشیچه، مذکور اداره مسؤوللری، ادعالرینی اثباتلش خصوصیده، هیچ بیر حجت ارایه ایتمهگن.
