د بغلان ولایت د دوشي ولسوالي ولسوال غفور صاحب سلاموطندار ته وویل چې د دغې ولسوالي په سنګ سوراخ سیمه کې د افغان ځواکونو او طالبانو د جګړې له کبله د ازبکستان وارداتي برېښنا مزي په اوو ولایتونو پرې شوي دي.
په همدې حال کې د دوشي ولسوالي د برېښنا امر محمدظاهر هم دا خبر تاییدوي او وايي، د دغې ادارې کارکوونکي یې د بېرته تړلو لپاره سیمې ته تللي دي.
له ازبکستانه د دې وارداتي برېښنا د مزو په پرې کېدو سره د کابل، پروان، کاپیسا، میدان وردګ، غزني، لوګر او پکتیا ولایتونو برېښنا هم پرې شوې ده.
