افغان ولسمشر محمداشرف غني د سلواغې ۲۶ یا له افغانستانه د پخواني شوروي د سرو لښکرو وتلو په نمانځغوندې کې وویل چې د دولت له وسلهوالو مخالفانو سره به د سولې د خبرو ـ اترو طرح د کابل دویم کنفرانس ته وړاندې کړي.
ولسمشر غني په ټینګار سره له افغانانو وغوښتل، له هغو کسانو وپوښتي چې ولې او په کوم قیمت د سولې خبرو ـ اترو ته غاړه نهږدي.
افغان ولسمشر غني چې تلپاتې سوله د خپل حکومت لومړیتوب ګڼي؛ وایي چې له افغانعالمانو سره په همغږي د سولې په اړه پرېکړې کېږي.
محمداشرف غني د وینا په یوه بله برخه کې په پاکستان کې د افغان کډوالو په اړه وویل چې په هغه هېواد کې ټول پراته کډوال به په راتلونکیو دوو کلونو کې هېواد ته راستانه شي.
ښاغلی غني تاکید کوي چې له پاکستانه د افغان کډوالو له راستنېدو وروسته، ایران سره هم په هغه هېواد کې د پرتو کډوالو راستنولو په اړه خبرې وکړي.
