.jpg)
د غور ولایت بیړني حالت کمیتې رییس حمیدالله دادفر سلام وطندار ته وویل، په غور کې بې مخینې واوره اوریدلې او لاهم دوام لري.
دادفر په ټينګار سره وویل، که د دغه اورښت له امله خلک زیانمن شي اداره يې هیڅ هم په لاس کې نه لري چې زیانمنو خلکو سره مرسته وکړي.
د نوموې په خبره په غور کې له پرون ماښام نه سخته واوره پیل شوې له ټولو ولسوالیو سره د مرکز لارې بندې شوي او په وينا يې تر اوسه پورې د کومې پيښې راپور نه دی ورکړل شوی، خو که کومه پیښه رامنځته شي، نو ښايي په انساني ناورین بدل شي.
.jpg)
د غور ولایت د بیړني حالت کمیتې مشر د بیړنیو مرستو نه زیرمه کولو له امله حکومت، کورني او ځیني بهرني مرستندویه بنسټونه په بې پروايي تورنوي.
د ښاغلي دادفر پروینا یواځې د خوړو نریوال پروګرام ۴۰۰ کورنیو ته د مرستې ژمنه کړې ده.
دادفر زیاتوي، که د واورې اورښت همداسې دوام وکړي ښایي ځایي خلک د سونګ توکو او روغتیايي خدمتونو له کموالي سره مخ شي.
خو د غور د والي ویاند عبدالحي خطیبي سلام وطندارته وویل، د طبیعی پيښو پر ضد مبارزې اداره د یو میلیون او ۸۰۰ زره افغانیو په ارزښت خوراکي او غیر خوراکي توکي زیرمه کړي خو د طبیعي پیښو په وخت کې دا مرسته بسنه، نه کوي.
غور د افغانستان یو له سړو ولایتونو څخه دی چې هرکال د دغه ولایت اوسیدونکي ژمی له ډیرو ستونزو سره مخ وي
