په هلمند کې «د پرانیستو خدمتونو بهیر» د اوس لهپاره ۴ سلاکاران لري چې ۲ په مرکز لښکرګاه او ۲ په ګریشک ولسوالۍ کې دندې ترسره کوي.
د پرانیستو خدمتونو لهمخې خلک سلاکاران ته خپلې ستونزې وایي او سلاکاران دوی ته لارښوونه کوي چې په دولتي ادارو کې یې کارونه ژر خلاص شي.
چارواکي وایي، پرانیستي خدمتونه د فساد مخه نیسي او د خلکو ستونزې لېرې کوي.
د پرانیستو خدمتونو په اړه د هلمند والي حياتالله حيات ویلي چې دغه ډول خدمتونه به د خلکو کارونه اسانه کړي. ده همداراز زیاته کړه چې د خپلو خدمتونو د لاپیاوړيکولو، د ولسونو د ستونزو د حل له خلکو سره د نږدېکېدو په موخه يې دا خدمتونه پیل کړيدي.
د هلمند والي د پرانیستو خدمتونو بهیر په اړه دا هم وويل چې لهدې لارې به ادارې د خلکو ستونزې ډېر ژر لېرې او غوښتنو ته به یې چټکه رسېدنه وشي.
د هلمند ولايتي شورا ريیس عطاءالله افغان د پرانیستو خدمتونو فعالیدو هرکلی کوي او زیاتوي، شوني ده چې لهدې لارې د هلمندیانو په دولتي کارونو کې د خلاصون په پار اسانتیا راشي.
هلمند کې د پرانیستو خدمتونو بهیر داسي مهال پرانیستلکېږي چي له تېرو څوو کلونو راهیسې زیات هلمندیان له دولتي خدمتونو ناراضه دي. دوی د دې بهیر پایلو ته خوشبینه دي؛ خو بیا هم وايي، ګوري چې د وخت په تېرېدو سره د دې بهیر کارونه څنګه پر مخ ځي.
