افغان ولسمشر وايي، چې د پلازمينې کابل وروستی برید په ډاګه کوي چې داسې هڅې پیل شوي چې د طالبانو په لیکو کې له اختلافاتو دخلکو پام واړول شي.
له ارګ څخه خپره شوې خبرپاڼه کې راغلي چې د جګړې په لیکو کې افغان امنيتي ځواکونو وسله والو طالبانو ته ماتې ورکړې، بل لورې د طالبانو ترمنځ قوي اختلافات رامنځته شوي، چې په دا ډول بریدونو عاملین یې غواړي دخلکو ذهنونه بل خوا واړوي.
تازه راپورونه وايي چې ددغه برید له امله د وژل شويو رسمي شمیره ۱۵ او د ټپیانو شمیر نږدې ۴۰۰ ته رسېدلی دی، خو نا تایید شوي راپورنه بیا د وژل شويو شمیر لسګونه ګڼي.
د کابل ولایت اتمې حوزې اړوند د شاه شهید دریم سړک په سیمه کې تېره شپه نیمايي شوې وه، چې له چاودېدونکو توکو ډک مازدا ډوله موتر بم و چاودې ده.
د چاوندې په سیمه کې د ملي دفاع وزارت د استخباراتو ودانۍ یوه برخ دیوال هم ویجاړ شوی دی.
په دې چاودنه کې ۱۵ تنه وژل شوي او ۴۰۰ تنه نور یې ټپیان کړي دي.
په همدې حال کې د ولسمشرۍ ماڼۍ څخه په خپره شوې خبرپاڼه کې د ولسمشر اشرف غني له خولې لیکلي، چې روغتیايي ادارو ته یې د ژوبلو کسانو د ښې درملنې سپارښتنه کړې.
په ورته وخت کې د ولسمشرۍ ماڼۍ مرستیال ویاند ظفر هاشمي وايي چې تر اوسه د چاودنې له امله د وژل شويو شمیر ۱۵ تنوته رسېدلی دی.
همدا ډول خبرپاڼه زیاتوي چې ولسمشر دغه برید په کلکو ټکو غندلی دی.
د روغتیا وزارت د اړیکو مسول اسماعیل کاووسي سلام وطندار ته وویل، چې د پېښې ډېر قربانیان ولسي وګړي دي.
کاووسي زیاته کړه، چې د ټپیان حالت د ډاډ وړ دی.
د کابل کارته نو د شاه شهید په سيمه کې تر لرې لرې دکورنو ښېښې ماتې شوي خو د ټپیانو په اړه یې سرچينې یوه خوله نه دي.
د پېښې په ځای کې موجود امنیتي مسولینو له سلام وطندار سره په خبرو کې وویل، چې د چاودنې سیمې ته نږدې وداندنیو ته زیان رسېدلی دی او شاوخوا ۱۰۰ تنه یې ټپیان کړي دي.
خو د روغتیا وزارت ویاند وحیدالله مایار بیا وايي چې د ټپیانو شمېر نږدې ۴سوه تنو ته رسيږي، چې د ځينو هغو روغتیايي وضعیت د ډاډ او د ځينو هغو د اندېښنې وړ دی.
د کابل ولایت امنیتي مسولین وايي، دغه چاودنده د ډینا ډوله موټر په وسیله چې له چاودېدونکو توکې په کې ځای پر ځای شوي و رامنځته شوې ده.
دغه چاودنه دومره درنه و، چې غږي یې د کابل په لور پرتو سیمو کې هم اورېدل شوی دی او په شاوخوا سیمو کې هاټي هم ویجاړ کړي دي.
له پېښې وروسته د کابل امنیې قومندان عبدالرحمان رحیمي د پېښې په ځای کې وویل، چې د چاوندې په ترڅ کې ولسي وګړو ته زیان رسېدلی دی.
تر دې مهال د چاودنې مسولیت کومې ډلې پر غاړه نه دی اخیستی.
دغه چاودنه په داسې حال کې کیږي، چې تېره ورځ د کابل په ګاوند کې د لوګر ولایت د ځانکړو ځواکونو د مازدا ډوله موټر بم په برید کې ۷ تنه ووژل شول او ۱۸ نور یې ټپیان کړل.
