د ټاکنیزو شکایتونو کمېسیون منشي او ویاند محمدقاسم الیاسي وايي، د ۳۰۰ زرو لانجمنو رایو په اړه د دغه کمېسیون پرېکړه به راتلونکې اوونۍ اعلان شي.
د الیاسي په وینا، له شاوخوا ۸۵ تر ۹۰ سلنې استینافي او استثنايي قضیې به هم د کمېسیون په پرېکړو کې شاملې وي.
په همدې حال کې د دولت جوړوونکي او ثبات او همپالنې ټیمونه له ټاکنیزو شکایتونو کمېسیون نه غواړي چې د ټاکنو قانون، طرزالعملونو او لایحو له مخې د لانجمنو رایو په اړه پرېکړه وکړي.
د افغانستان د ازادو او عادلانه ټاکنو بنسټ یا فیفا رییس یوسف رشید وايي، د ټاکنیزو شکایتونو کمېسیون لا هم د ۳۰۰ زرو لانجمنو رایو د څېړلو په اړه فرصت لري.
که څه هم د ولسمشري ټاکنې د تلې په شپږمه نېټه شوي، خو اوس چې له یادې نېټې څلور میاشتې تېرېږي، لا هم د دغو ټاکنو وروستۍ پایله نه ده اعلان شوې.
اړوند مطالب:
