.jpg)
خوست کې د ټاکنو په ورځ د رایو ورکولو ځېنې مرکزونه تړل شويوو چې په غبرګون کې یې نن د مهديخېلو کلي سلګونو اوسېدونکیو لاریون وکړ او د عليشېرو او تېریزیو ولسوالۍ تر څنګ یې د باک، صبریو او ځاځيمیدان ولسوالیو ته ورغلې لارې د څو ساتونو لهپاره وتړلې.
لاریونوالو ویل چې د نورو ولسوالیو تر څنګ د متون مرکز اړوند د مهدیخېلو کلي په یو مرکز کې ۲۴۰۰ کسانو نوملیکنه کړېوه چې د رایو اچونې په ورځ په لېست کې ۶۰۰ هغه نومونه وو چې دې سیمې پورې یې تړاو نهلرلو او د پاتې ۱۸۰۰ نورو رایو اچوونکیو پر مخ یې دغه مرکز تړلی و.
دوو لاریون کوونکو زاهد شاهین او معلم بسمالله سلام وطندار ته وویل چې په یادو مرکزونو کې د خوست والي، امنيه قوماندان او د ټاکنو کمېسیون د مشخصو کاندیدانو په ګټه لاسوهنه کړېده.
لاریونوالو دا هم ویل چې د ټاکنو په ورځ یې خپله ستونزه د ټاکنو کمېسیون سره شریکه کړې؛ خو هغوی غوږ نهدی ورته نیولی.
.jpg)
له بله پلوه د خوست د ټاکنو کمېسیون مشر شاهجهان سرداري د لاریونوالو ادعاوې پر ځای بولي او وايي چې دا ستونزه افغانستانشموله وه او په وینا یې، د ټاکنو په ورځ یې ستونزو ته رسېدګي کړې؛ خو رایه ورکوونکي هلته نه وو.
د ده په خبره، ستونزه یې کابل سره شریکه کړېوه؛ خو مرکزي کمېسیون ورته ویلي وو چې یوازې یوه ورځ کفایت کوي او د بلې ورځې د رایې اچونې لهپاره اراده نه لري.
د خوست د ټاکنو خپلواک کمېسیون مشر شاهجهان سرداري زیاتوي چې په خوست کې د ټاکنو لهپاره شاوخوا ۲ نیمسوهزره کسانو نوملیکنه کړېوه چې له جملې یې شاوخوا ۳۰زرو کسانو رایه کارولې ده.
خوستمېشتي د کمې رایې کارولو لوی لامل د عامهپوهاوي نهشتوالی، له بایومیټریک سره نابلدتیا، د مرکزونو تړل او په ټاکنو کې د حکومتي چارواکیو لاسوهنه په ګوته کوي.
