د سوداګرۍ او صنايعو وزارت وياند سمیر رسا سلاموطندار ته وويل، وروسته له هغې چې د ياد وزارت مسوولانو د د دې وزارت د پخوانيو کارکوونکيو پيغامونه ته لاسرسی پيدا کړ، ټول شواهد او اسنادونه يې عدلي او قضايي ارګانونو ته وسپارل.
د نوموړي په وينا، د دې وزارت پخواني کارکوونکي د يادې ادارې د رازونو په خپرولو، توطيې او شخصيت وژنې باندې تورن دي چې په ټولنيزو رسنيو کې يې ويډيوګانې خپرولې.
د سوداګرۍ او صنايعو وزارت پخواني کارکوونکي او د ټولنيزو شبکو کاروونکي د خصوصي پيغامونو خپرول پر خصوصي حريم تېری ګڼي؛ خو د ياد وزارت وياند سمير رسا وايي چې د دوی خصوصي پيغامونه يې له ټولنيزو شبکو پيدا کړي چې دا په هېڅ حال سايبري جرم نه دی.
د سوداګرۍ او صنايعو وزارت سرپرست اجمل احمدي يوه اوونۍ وړاندې پر خپله ټوېټر پاڼه د دې وزارت د پخوانيو کارکوونکيو انځورونه خپاره کړل او هغوی يې د دې وزارت پر ضد پر توطيې تورن کړي وو.
