د ملي یووالي حکومت اجرایوي رییس عبدالله عبدالله نن د وزیرانو شورا غونډې ته وویل، د تروریستانو په ځاله د افغانستان نه بدلېدو په تړاو د طالبانو ضمانت، د هېوادوالو او نړۍوالې ټولنې لپاره د منلو نهدی.
د اجرایوي رییس په وینا، د عبدالعلي مزاري د ترور نمانځغونډې په مراسمو د هاوان مرمۍ توغولو پېښه افغانستان کې د تروریستانو د حضور ښکارندويي کوي.
ښاغلی عبدالله وايي، افغانستان کې د نړۍوالو ځواکونو د حضور موخه تروریزم سره مبارزه ده او د تروریستانو ځالې په توګه د افغانستان نه بدلېدو په تړاو د طالبانو ضمانت ورکولو تګلاره سمه نهده.
اجرایوي رییس زیاتوي، طالبانو د خپلې واکمنۍ پرمهال هم امریکا ته د القاعده شبکې پخواني مشر اسامهبن لادن نظارت په تړاو ډاډ ورکړیو.
د ښاغلي عبدالله په وینا، کهچېرې افغانستان کې جګړه نهوي او نړۍوال ترهګر حضور ونهلري؛ هېواد کې د بهرنیو ځواکونو حضور ته اړتیا نه پیدا کېږي.
اجرایوي رییس قطر کې د امریکا او طالباستازیو ترمنځ د پنځم تړاو خبرو په اړه ـ چې اوس هم د دواړو لورو ترمنځ روانې دي ـ وايي، دغو خبرو کې د نه وضاحت په دلیل د هېوادونو ترمنځ اندېښنې زیاتې شوېدي.
ورته مطالب:
طالبان؛ افغانستان به د ترهګرو پر ځاله نه بدلېږي
خلیلزاد: د قطر درې ورځنۍ غونډه ګټوره وه
د سولې په خبرو کې ابهام او له ترهګرو سره د پاکستان اړیکې باید روښانه شي
اجرایوي رییس همداراز زیاتوي، که د بینالافغاني مذاکراتو زمینه برابره شي؛ ټولې سیاسي ډلې مسوولیت لري چې له جمهوري اسلامي نظام څخه دفاع وکړي.
ښاغلی عبدالله په ټینګار سره وايي چې د افغانستان جمهوري اسلامي دولت د خلکو لاستهراوړنه ده او باید دفاع یې وشي.
دا پهداسې حال کې ده چې هاخوا قطر کې د امریکا او طالباستازیو ترمنځ پنځم پړاو خبرې څوارلسمې ورځې ته غځېدلي او تراوسه د دغو خبرو جزییات نهدي خپاره شوي.
خو طالبانو ته نږدې سرچینې ادعا کوي چې دې پړاو خبرو کې د هوکړو اساسي اصولو په اړه تفاهم شوی او یوازې د جزییاتو په اړه یې بحث روان دی.
