د افغانستان کرکټ بورډ په نوښت د درېیم پړاو شپږیزې شل اوریزه کرکټ ټورنمنټ پرمهال، چې د څه ویره وه همغسې وشول.
که څه هم د روان ټورنمنټ یو شمیر لوبې د کمې رڼا له کبله پوره ۲۰ اوره ترسره نه شوې، خو نن په کابل کې د باران له کبله هیڅ لوبه ترسره نه شوه.
د نن ورځې لوبې د بوست لوبډلې پرته ۴ واړو لوبډلو امو، کابل، بند امیر او دفاعي اتلې مس عینک ته ډيرې مهمې وې، خو لاهم د د فاعي اتلې مس عینک او بند امیر برخلیک د سبا ورځې لوبې پورې تړلې دې.
د سپین غر وروسته په ډیر امتیازونو او ښوو لوبو سره کابل بازان او امو نهنګان لوبډلو د روانو سیالیو نیمه پای لوبو ته لاره پیدا کړه.
د شپږیزې ټورنمنټ د رسمي ویبپاڼې د معلوماتو له مخې، چې د نن ورځې پلان شوې دواړه سیالۍ د باران ښکار شوې او څلور واړو لوبډلو ته یو یو امتیاز ورکړل شو.
ټاکل شوی وه د نن ورځۍ په لومړۍ سیالۍ کې دفاعي اتلې مس عینک له امو لوبډلې سره او له غرمې وروسته بند امیر له کابل بازان لوبډلې سره لوبه ترسره کړي وای.
د یادونې وړ ده، چې تراوسه یواځې سپین غر لوبډلې د روان درېیم پړاو شپږیزې ټورنامنټ دوهم پړاو (سیمي فاینل) ته لاره پیدا کړې ده.
د نن ورځې لوبو لغوه کیدلو په پایله کې امو زون لوبډله په ۵ امتیازونو سره دویم مقام ته ورسېده، چې ورپسې په ۵ امتیازونو سره کابل بازان لوبډله درېیم او بند امیر لوبډله بیا په همدومره امتیازاتو سره په څلورم مقام کې اعلان شوه.
دغه راز دفاعي اتله مس عینک په ۳ امتیازونو سره درېیم، خو بوست بیا په یواځینۍ بریا سره په ۲ امتیازونوسره وروستی مقام لري.
هېره دې نه وي، چې سبا د روان جام وروستۍ او یواځینۍ لیګ لوبه ترسره کیږي، چې په کې به دفاعي اتله مس عینک "سیمي فاینل" ته د رسیدو له پاره له وروستي مقام لرونکې "بوست" لوبډلې خلاف وروستۍ چانس و ازمایي.
ټاکل شوې ده، چې مس عینک به سبا د بوست خلاف په ستره بریا سره "سیمي فاینل" ته لاره پیدا کړي، خو بیا هم د مس عینک په ماتې او یا هم معمولي بریا سره بند امیر د نیمه پای لوبو وروستې مقام خپلولی شي.
