د ترانسپورټ او هوايي چلند وزارت مرستیال جارالله منصوري خبرداری ورکوي، چې د ترانسپورټ او لېږد را لېږد نړېوال " تير" سازمان کې به د افغانستان غړيتوب یو وار بیا د تعلیق ته راشي.
هغه د يوې غونډې پر مهال زیاته کړې، چې که افغانستان د دغه سازمان غړيتوب له لاسه ورکړي او يا هم تعلیق شي، نو د بیا غړيتوب تر لاسه کولو له پاره به يې زیات وخت په بر کې ونیسي.
د تېر نړېوال سازمان د خپل غړو هېوادونو له پاره ځينې تجارتي اسانتیاوې برابرې کړي، خو غړي هېوادونه يې باید د دغه سازمان د اصولو او معیارونو مطابق کړنې ترسره کړي.
د ټرانسپورټ او هوايي چلند مرستیال د (آې، آر، يو) نړېوالې اتحاديې څخه غوښتنه وکړه، چې د تېر سيستم د عملي کولو له پاره د افغانستان ظرفیت وڅېړي، څو دغه هېواد د تېر سازمان له تجارتي اسانتياوو ګټه واخلي.
افغانستان یو له هغو هېوادونو بلل کيږي، چې د تېر سازمان د غړيتوب سند يې لاسلیک کړی دی.
خو د تجارت او صنایعو وزیر همایون رسا بیا په دغه دولتي ورکشاپ کې وویل، چې تر اوسه افغانستان د تېر سازمان له دغو اسانتياوو ګټه نه ده پورته کړې.
له بل لوري د سوداګريو خونو د پالیسو مرستيال عبدالقدیر بهمن وايي، چې حکومت د تېر سازمان د سيسټم عملي کولو ته باید د خپلو کارونو په لومړيتوبونو کې ځای ورکړي.
یاده دې وي، چې افغانستان ۳۲ کاله وړاندې یعنی په ۱۹۷۵ م ز کال کې د ملګرو ملتونو د تېر سازمان غړيتوب تر لاسه کړ، خو په افغانستان کې د ناامنيو له امله په دغه سازمان کې يې غړيتوب د تعلیق حالت کې شو.
خو په ۲۰۱۳ م ز کال کې يې غړيتوب د دویم ځل له پاره فعال شو.
