.jpg)
د کانونو او پټرولیم وزارت چارواکي وايي، د بدخشان د سرو زرو او د سرپل د بلخاب مسو کانونو را اېستلو قراردادونه یې له دوو شرکتونو سره لاسلیک کړي دي.
د کانونو او پټرولیم وزارت ویاند عبدالقدیر مطفي کابل کې د یوې خبري غونډې پرمهال وویل، د دې وزارت سرپرست وزیرې نرګس نهان تېره ورځ د بدخشان د سرو زرو کان قرارداد یې له «ترکېش افغان مایننګ» او د سرپل بلخاب مسو کان قرارداد یې له «افغان ګولډ اېنډ منرالز» شرکتونو سره په امریکا کې لاسلیک شوي دي.
د مطفي په وینا، ترکېش افغان مایننګ شرکت به د سرو زرو کان اېستلو لهپاره په لومړیو ۳ کلونو کې ۲۲ میلیونه ډالر پانګونه کوي او افغان ګولډ اېنډ منرالز شرکت به د مسو کان اېستلو لهپاره په لومړیو ۳ کلونو کې ۵۶ میلیونه ډالر پانګونه کوي چې د پام وړ کاري فرصتونه به رامنځته کړي.
خو پر روڼتیا د څار بنسټ مسوولانو د یادو قراردادونو تر لاسلیکولو مخکې د یوې خبري غونډې پرمهال یاد قراردادونه غیرقانوني بللي وو او دا یې د کانونو چور او نړېواله توطیه یاده کړه.
خو د کانونو او پټرولیم وزارت ویاند وايي، د دواړو کانونو د داوطلبۍ بهیر قانوني او په بشپړې روڼتیا بشپړ شوی دی.
.jpg)
د راپورونو له مخې، د بدخشان د سرو زرو د بلخاب دد مسو قرارداد مسوده په ۲۰۱۳ کال کې جوړه او په ۲۰۱۴ کې د تایید لهپاره د وزیرانو شورا ته وړاندې شوه، خو د ملي یووالي حکومت له جوړېدو سره یې پروسه وځنډول شوه چې بالاخره په ۱۳۹۵ ل کال کې عالي اقتصادي شورا رد کړه.
