د بدخشان مستوفي محمداسلم ګداز وایي چې د مالیې د ورکولو کمپاین او د مستوفیت کارکوونکیو هڅو له امله د دې ادارې عواید د تېرکال په پرتله ۱۶،۴ سلنه ډېر شويدي.
ښاغلی ګداز زیاتوي، مستوفیت د بدخشان له کانونو هېڅ عواید نهلري.
د ده په خبره، په بدخشان کې د عاید د راټولولو ټاکلی پلان، نږدې ۳۴۰ میلیونه افغانۍ و چې دوی له ټاکلي هدفه ۱۰،۴ سلنه زیات عواید راټول کړي.
دی د عوایدو د ضایعاتو په تړاو د نیوکې په ډول وايي چې د بدخشان ولایت کانونه نه ایستل کېږي او که ایستل کېږي هم په غیرتخنیکي بڼه د ځايي اوسېدونکیو او وسلهوالو مخالفانو له لوري اخراجېږي.
د بدخشان کې د ملي اردو دویمې لوا قوماندان محمدنعیم مجیدي وایي، د دې ولایت کانونه د لاجوردو کانونه په کران او منجان غوندې او د سرو زرو کانونه په راغستان او کوهستان په شان ناامنو ولسوالیو کې دي چې امنیتي بنسټونه پرې کنټرول نهلري.
د بدخشان مستوفیت وایي چې د ځايي ادارې کلنی لګښت څه باندې ۳ میلیارده، ۸۱۰ میلیونه افغانۍ دی چې د بدخشان د مستوفیت عواید د ځایي ادارې تر ۱۰٪ لږ لګښت پوره کوي.
د بدخشان مستوفیت چارواکیو په وینا، که د دې ولایت کانونه وایستل شي؛ ځايي اداره د ځانبساینې پر لور ګامونه اخیستلی شي.
