.jpg)
د فراه د پشترود ولسوال حاجي عوثالدین سلام وطندار ته وایي چې د دې ولسوالۍ د امنیت د تامین لهپاره ۲۰۷ پولیس ګومارل شوي؛ خو دمګړۍ لهدې ډلې یوازې ۱۸ پولیس په دنده کې حاضر دي او پاتې یې د امنیتي ستونزو په پلمه په کورونو ناست دي.
دی په پشترود ولسوالۍ او د لارې په اوږدو کې د پولیسو په پوستو باندې د وسلهوالو طالبانو د ډلهییزو بریدونو نه په اندېښنې سره وايي چې هېڅ امنیتي ځواک او پوځي تجهیزات نهلري چې له طالبانو سره مقابله وکړي.
دی ټینګار کوي چې پهدې لسوالۍ کې د پولیسو پرتې امنیتي پوستې هم د امنیتي وضعیت له خرابوالي سره ښار ته ولېږدول شوې. دی خبرداری ورکوي، که امنیتي امنیتي ځواکونه بېرته دندو ته ور ونه ګرځي؛ د طالبانو د پرلهپسې بریدونو له امله به ولسوالي ور پرېږدي.
دی همداراز وایي چې طالبان په نږدې کلیو کې پراته دي چې کله ناکله د دروازې د پرانیستلو پرمهال هم پر دوی برید کوي چې دوی د مقابل لهپاره له زوړ او کاره لوېدلي ټانګ پرته داشکه هم نهلري.
پشترود مرکز فراه ته نږدې پرته ده چې د دې ولسوالۍ په سقوطېدلو سره طالبان ښار ته هم ستر ګواښ پېښولی شي.
په ورته وخت کې د فراه د ولایتي شورا مرستیال محمد نعیمي بیا وايي چې د دې ولایت په ولسوالیو کې د بهرنیو او افغان ځواکونو له لوري پراخ پوځي عملیات شوي؛ خو لا هم په د ولسوالیو په لارو کې امنیتي ستونزې شته دی.
دی د پوځي تشکیلاتو او تجهیزاتو کمښت د دې ولایت د ولسوالیو بله لویه ستونزه بولي.
خو د فراه د امنیې قوماندانۍ ویاند محبالله محب پشترود د دې ولایت تر ټولو امن ولسوالي ګڼي او وايي چې د دې ولسوالۍ په بېلابېلو برخو کې د ملياردو او ملي پولیسو پوستې ځای پرځای شوېدي او طالبانو ته به د تحرک هېڅ ډول موکې ورنهکړي.
دی هم د امنیتي ځواکونو د کمښت ستونزه مني.
د ښاغلي محب په وینا، د امنیتي ځواکونو د نوي پلان لهمخې به ډېر ژر خدمتي ځواکونه د ولسوالي د امنیت په پار ځای پرځای شي.
