د راپورونو پربنسټ په افغانسان کې د متحده عرب اماراتو سفیر جمعه محمدعبدالله الکعبي، چې د کندهار ولایت په مېملستون کې د برید له امله ټپي شوی و، نن د خپلو ټپونو له امله ومړ.د متحده عرب اماراتو د ولسمشرۍ چارو وزارت د جمعه محمدعبدالله الکعبي مړینه تایید کړې ده.
الکعبي د کندهار والي همایون عزیزي او یو شمېر سوداګرو سره د روان کال د جدي په ۲۱ نېټه د ولایت مقام په مېلمستون کې د چاودنې له امله لومړی سخت ټپي او بیا د همدې ټپونو له امله مړ شو.
په دې پېښه کې د ۵ عرب ډېپلوماتو او د یو ژباړونکي په ګډون ۱۱ تنه په کې ټپیان شوي وو او د کندهار والي همایون عزیزي او په افغانستان کې د متحده عرب اماراتو سفیر جمعه محمد عبدالله الکعبي د ۱۸ نورو سوداګرو سره یو ځای ټپیان شوي وو.
