د ولسي جرګې رییس عبدالروف ابراهیمي نن (چهارشنبه) د سولې نړیوالې ورځې په مناسبت د ولسي جرګې په عمومي غونډه کې وویل، په افغانستان کې د ګاونډیو هېوادونو د استخباراتو په اوږده جګړه کې افغانانو ډېرې قربانۍ وکړي او باید د دولت وسله والو مخالفین د حقایقو په درک او د هېواد ملي ګټو ته په کتو د سولې له بهیر سره یو ځای شي.
د ولسي جرګې رییس وايي، چې د ملګرو ملتونو په عمومي غونډه کې د نړۍ راټولو شویو مشرانو ته باید د ځورول شویو او جګړو ځپلو افغانانو غږ ور ورسول شي.
ابراهیمي همدا ډول د سولې له بهیرسره د حزب اسلامي یو ځای کېدوته هیله مندي وښوده او زیاته یې کړه، چې د سولې خبرې اترې باید افغانستان دولت له نورو مخالفو وسله والو ډلو سره هم دوامداره وساتل شي او د دولت په مخالفو وسله والو یې غږ وکړ، چې د جګړې پر ځای دې سیاسي مذاکره وکړي.
په ورته وخت کې د سولې انسټیټیوټ رییس یاسر احمدزي په کابل کې د سولې نړیوالې ورځې په مناسبت یوې غونډې کې وړاندیز وکړي، چې ټول سیاسي ګونډونه او مدني فعلان باید د بنسټیزې سولې له پاره یوه لاره غوره کړي.
احمدزي ټينګار وکړ، چې د سولې بحث باید پر یوملي بحث بدل شي، ترڅو له دې لارې ملي حل لار ورته ولټول شي.
نوموړي زیاته کړه، چې د نوي نسل او ماشومانو له پاره په ښوونیز نصاب کې هم باید د سولې په نوم مضمون اضافه شي، چې تر څو خلک له جګړې کرکه وکړي.
د سولې انستیتیوت له سولې بهیر سره د حزب اسلامي د یوځای کېدو ملاتړ وکړ او زیاته يي کړه، حکمتیار باید د یو ملي شخص په توګه له دولت سره یوځای کار وکړي.
دوی دغه راز، زیاته کړه، د سولې له بهیر څخه امریکا نه باید ځان څنډې ته کړي ځکه پر وینايي، امریکا هم د افغانستان په جګړه کې کښېله خوا بلل کېږي.
